آج کا دن کیسا گزرے گا؟ ستاروں میں دلچسپی رکھنے والے افراد کیلئے اچھی اور بری خبریں دونوں

برج دلو

آج کسی کاروباری شراکت داری میں شمولیت کا موقع مل سکتا ہے آپ کے لئے اس پیشکش کو قبول کرنے میں کسی پس و پیش سے کام لینا مناسب نہیں ہوگا کیونکہ یہ آپ کے فائدے میں ہوگی اوراس کی وجہ سے آپ کو اپنے گھریلو بجٹ کو بہتر بنانے اور اپنی مالی مشکلات سے نجات کے لئے بہت تھوڑی محنت سے زیادہ فوائد حاصل کرنے میں کامیابی مل سکے گی۔اگر کہیں کوئی رکاوٹ محسوس کریں تو اپنے جیون ساتھی کے مشوروں پرضرور غور کرنے کی کوشش کریں تاکہ کسی بھی متوقع نقصان سے بچ سکیں ۔ آج آپ اپنے ان مالی مسائل کو حل کرنے میں مصروف ہو سکتے ہیں جن کی وجہ سے گاہے بہ گاہے آپ کو مشکلات کا سامنا کرنا پڑتا ہے۔

برج حمل

آج ستاروں کی منفی یا جوشیلی کیفیات آپ کے حالات کو غیر متوقع صورتحال میں تبدیل کرنے کی کوشش کر سکتی ہیں جسکی وجہ سے آپ اپنی طے شدہ کسی کاروباری ملاقات میں لیٹ ہونے سے بہت سے متوقع مالی فوائد سے محروم ہوسکتے ہیں۔اپنے آپ کو ایسے مواقع پر دوستوں کے ساتھ رکھیں اور تنہا یا اکیلے فیصلے کر کے کامیابی کا سفر شروع نہ کریں ورنہ نتائج آپ کی توقع کے مخالف ہی برآمد ہوں گے۔آپ کو اپنی اعصابی بے چینی پر قابو پانا ضروری ہوگا تاکہ کسی بھی ممکنہ نقصان سے بچ سکیں ۔آپ کے نوجوان اہل خانہ کی جانب سے آپ کے لئے کوئی خاص اہتمام بھی کیا جا سکتا ہے جس کی وجہ سے آپ کو اپنا موڈ بحال کرنے میں مدد مل سکے گی ۔

برج جوزا

آج آپ کے لئے کسی بھی طے شدہ کاروباری دورے کے منصوبے کو مکمل کرنا کافی دشوار ہو گا جبکہ اسے ملتوی کرنا ہی بہتر رہے گا کیونکہ کچھ غیر متوقع رکاوٹیں یا اہم نوعیت کے معاملات سامنے آنے سے سارا پروگرام تبدیل ہو سکتا ہے۔آپ کا کوئی رشتہ دار کسی حادثے کا شکار ہو سکتا ہے جن کے بارے میں اطلاع ملنے سے آپ افسردہ ہو سکتے ہیں۔ آپ کے کچھ معاملات ایسے بھی ہوں گے جن کی وجہ سے اپنی شریک زندگی کے ساتھ باہمی جذباتی تعلقات میں کچھ مشکلات پیش آ سکتی ہیں۔اپنے معاملات کو انجام دینے میں اگر کسی مالی مشکل کا سامنا کرنا پڑے تو آپ کو اپنے قریبی دوستوں سے مدد حاصل کرنے میں کوئی جھجک محسوس نہیں کرنی چاہئے۔

برج اسد

آج آپ کے مزاج میں تیزی بڑہنے سے دوسروں کے ساتھ بات چیت میں بھی تلخ رویہ اپنا سکتے ہیں جس سے کاروباری معاملات کو آگے بڑہانا ممکن نہ ہوگا یا آپ کی کامیابی کے امکانات کم ہو جائیں گے۔ ایک بات کا خیال رکھیں کہ ایسا رویہ اپنے گھر میں اختیار نہ کریں۔آپ کو اپنی شریکِ حیات کی جانب سے کئی مفید مشورے مل سکتے ہیں۔شام میں اپنے دوستوں کے ساتھ ملاقات کے دوران آپ کا موڈ بحال ہو سکے گا لیکن اس کی شرطِ اولیں یہ ہی ہوگی کہ آپ اپنی جذباتیت پر قابو رکھیں اور عفو و درگزر سے کام لے کر اپنے معاملات کو نمٹائیں۔ممکنہ طور پر کچھ نادیدہ وجوہات کی بنا پر اپنے کاروباری نقصان کی خبر بھی مل سکتی ہے۔

برج میزان

آج اپنے معمولات کو آگے بڑھانے کے لئے آپ کو کئی دشواریوں کا سامنا کرنا ہوگا ۔ اگر آپ خود کو متحرک کرنے کی کوشش کریں گے تو سنجیدگی اختیار کرنا ضروری ہوگا اس کے بعد ہی اپنے ملے جلے خیالات کو الگ کرنے میں کامیابی حاصل کر سکیں گے۔اپنے مستقبل کی بہتری کے بارے میں تیار کئے جانے والے کئی منصوبے آپ کی کنفیوژن کی وجہ سے روبہ عمل نہ لائے جا سکیں گے۔دوسروں کے مشوروں پر عمل کرنے سے قبل ان کی افادیت اور اہمیت کے بارے میں جاننے کی کوشش کرنا آپ کے فائدے میں ہوگا اسلئے ایسے کسی بھی موقع کو غیر ضروری نہ سمجھیں۔آج آپ کو اپنے کسی رشتہ دار کی بیماری کی خبر مل سکتی ہے۔

برج قوس

آج اپنے سینئرز کی جانب سے آپکی کارکردگی پر تنقیدکی جا سکتی ہے۔خاص کر ان اہداف کی بروقت تکمیل کے بارے میں تو آپکی سخت مذمت ہو سکتی ہے جنکی تکمیل کا آپ نے وعدہ کیا تھا مگرآپ اپنی تساہل پسندی یا دیگر مصروفیات کی بنا پر اپنی کارکردگی کا تسلسل برقرار نہ رکھ سکے نتیجہ یہ ہے کہ آپکی عملی کارکردگی پر ہی انگلیاں اٹھنا شروع ہو گئیں۔آپکے پیار محبت کے معاملات کے بارے میں بھی اچھی خبریں سامنے نہ آ سکیں گی خاصکرپچھلے دنوں کے ٹینشن ذدہ ماحول کے اثرات آج ماحول کو مزید تکلیف دہ بنا سکتے ہیں۔آپ یہ مت بھولیں کہ آپ اپنی خفیہ صلاحیتوں کی وجہ سے پیچیدہ صورتحال کو سنبھالنے اورمکمل اعتماد کے ساتھ ہر مشکل پر قابو پاسکتے ہیں۔

برج جدی

آج کسی دوسرے شہر سے کچھ مہمان آپ کے ہاں بلا اطلاع یا پیشگی پروگرام کے بغیر وارد ہوسکتے ہیں جن کی وجہ سے آپ کے تمام پروگرام شروع ہونے سے قبل ہی ختم ہوجائیں گے اور طے شدہ منصوبے مکمل طور پر تبدیل ہوکے رہ جائیں گے۔اگر آپ کے مہمانوں کو آپ کی عملی مدد کی ضرورت محسوس ہو تو آپ کو آگے بڑھ کر ان کی مدد کرنی چاہئے۔شام میں آپ کو کسی ناخوشگوار خبر کا سامنا بھی کرنا پڑے گا جس کی وجہ سے آپ سوگواریت کے احساسات کا شکار بھی ہو سکتے ہیں۔کسی مالی لین دین کی وجہ سے ان کیفیات کے اثرات سامنے آنے سے اپنے آپ کو متوازن رکھنا بہت ضروری ہوجائے گا جبکہ کسی نئے کام کا آغاز کرنے میں حد درجہ احتیاط ضروری ہو گی۔

برج حوت

آج آپ کی عملی اور کاروباری صلاحیتیں خاطر خواہ متحرک نہ ہونے کی وجہ سے آپ کو اپنے کاروباری معاملات کو چلانے میں دقت ہو سکتی ہے جس کی وجہ سے آ پکو مالی نقصان بھی ہو سکتا ہے۔اگر آپ نے اپنی گرم مزاجی یا تلخی پر قابو نہ پایا تو آپ کے ساتھ کام کرنے والے افراد کی توتکرار کا موقع سامنے آ سکتا ہے جبکہ گھر میں بھی شریکِ حیات کے ساتھ گرماگرمی ہوسکتی ہے۔اگر آپ متحمل مزاجی سے کام لے کر اپنے آپ کو جذباتیت سے باہر نکال سکیں تو نہ صرف یہ کہ اپنے محبوب یا شریک زندگی کے ساتھ کسی بھی متوقع جھگڑے سے بچ سکیں گے بلکہ اپنے گھر کے ماحول کو بھی بہتر بنانے میں کامیابی حاصل کر سکیں گے۔

برج ثور

آج آپ کو پرسکون رہ کر ہی دوسروں سے معاملات طے کرنے ہوں گے ورنہ آپ کے تعلقات میں نہ صرف کشیدگی پیدا ہو سکتی ہے بلکہ یہ تعلقات ٹوٹ بھی سکتے ہیں ۔شام میں کسی مشترکہ دوست کی جانب سے ملاقات کرنے کی وجہ سے آپ کو اپنی مشکلات پر قابو پانے میں مدد مل سکے گی۔موجودہ معاملات سے اپنے آپ کو دور رکھنے کی پالیسی بہتر نہیں ہوگی بلکہ حالات کو سمجھنا اور غور و فکر کرکے معاملات کو آگے بڑھانے کی پالیسی ہی بہتر ثابت ہو گی۔آپ اپنی موجودی صورتحال کو سمجھنے میں دقت محسوس کر سکتے ہیں اور ممکنہ طور پر کسی غلط فہمی کا شکار بھی ہو سکتے ہیں جسے فوری طور پر سمجھنا اور دور کرناضروری ہوگا ورنہ اپنے دوستوں سے لڑائی جھگڑا ہوسکتا ہے۔

برج سرطان

آپ کو اپنے ساتھ کام کرنے والے افراد کی جانب سے ملامت کاسامنا ہو سکتا ہے کیونکہ آپ کے ذمہ جو کام تھے آپ نے ان کی تکمیل کے لئے ضروری اقدامات بروقت نہیں کئے اور نہ ہی اپنے فرائض کی انجام دہی مکمل اعتماد کے ساتھ کی ہے جس کی وجہ سے آپ کی کارکردگی میں تسلسل کا فقدان ہوگا۔آپ کو ہر حال میں جذباتیت سے گریز کرنا ہوگا۔آج آپ کو کہیں سے معقول رقم حاصل ہو سکتی ہے اور یہ بھی ممکن ہے کہ اس رقم کے بہتر استعمال کے لئے آپ کی اپنی شریکِ حیات سے تکرار ہوجائے لیکن آپ کو ہر حال میں اپنی خاندانی ضروریات کا خاص خیال رکھنا ہوگا ورنہ معاملات میں الجھا یا کوئی پیچیدگی پیدا ہو سکتی ہے۔

برج سنبلہ

آج پنے قریبی احباب کی جانب سے کوئی ناخوشگوار خبر سن لینے کی وجہ سے آپ کو اپنے طے کردہ معاملات پر عمل درآمد کرنا ممکن نہ رہے گا اور آپ کے بعض امور بھی ممکنہ طور پر نامکمل رہ سکتے ہیں۔اس کے علاوہ آپ کو بہت سے ضروری اخراجات بھی کرنے ہوں گے جس کی وجہ سے آپ مالی دبا کا شکار بھی ہو سکتے ہیں۔اگر کسی بھی موقع پر آپ اپنے آپ کوبے یارومددگارمحسوس کریں تو اپنے مخلص دوست احباب سے مدد کیلئے ضرور کہیں۔آج آپ کو کہیں سے معقول رقم کی وصولی ہو سکتی ہے۔اپنی ذاتی اورقدرتی صلاحیتوں،خوبیوں اور اہلیت کے بارے میں کسی بھی طرح کے منفی احساسات سے اپنے آپ کو بچانے کی ہر ممکن کوشش ضرور کریں۔

برج عقرب

آج دوپہر سے قبل بہت سے غیر متوقع حالات سامنے آنے سے آپ کو اپنے طے شدہ شیڈول پر عمل کرنا خاصا مشکل ہوجائے گا۔اپنے موجودہ کاروبار پر بھرپورتوجہ دینا ہی بہتر رہے گا جبکہ کسی بھی نئی کاروباری شراکت داری میں شمولیت اختیار کرنا یا کسی کاروباری شراکت داری کی پیشکش کو قبول کرنا فائدہ مند ثابت نہیں ہوگا کیونکہ ستارے آپ کے مددگار نہیں ہوں گے جس کی وجہ سے ایسا کوئی بھی کام آپ کی مشکلات میں اضافے کا باعث بھی بن سکتا ہے۔دوسروں کے مشوروں کو اہمیت دیں خاص کر اپنے حلقہ احباب میں شامل کسی بزرگ خاتون کے مشوروں کو خصوصی اہمیت دیں تاکہ آپ کے لئے مشکلات کا اختتام باآسانی ہو سکے۔