افغانستان ایک بار پھر خوفناک زلزلہ سے لرز اٹھا، 100 سے زائد افراد زخمی
زلزلہ مقامی وقت کے مطابق 05:10 (00:40 GMT) پر افغان شہر ہرات کے شمالی علاقے میں آیا' زلزلہ کی شدت 6.3 ریکارڈ کی گئی
ہرات (مانیٹرنگ ڈیسک) افغانستان میں ایک بار پھر خوفناک زلزلے سے لرز اٹھا، زلزلے سے 100 سے زائد افراد زخمی ہوئے جن کو طبی امداد کے لئے مقامی اسپتال میں منتقل کر دیاگیا ہے۔
تفصیلات کے مطابق افغانستان میں ایک بارپھر خوفناک زلزلے سے لرز اٹھا ، امریکی جیولوجیکل سروے کی جانب سے کہا گیا ہے کہ زلزلے کی شدت 6.3 ریکارڈ کی گئی۔ افغان حکام کا کہنا ہے کہ زلزلہ مقامی وقت کے مطابق 05:10 (00:40 GMT) پر افغان شہر ہرات کے شمالی علاقے میں آیا، زلزلے کے باعث 100 سے زائد زخمی ہوئے، جنہیں ہسپتال منتقل کردیا گیا ہے۔
یاد رہے 4 روز قبل بھی افغانستان میں 6.3 شدت کا زلزلہ آیا تھا ، ہرات میں آنے والے ہولناک زلزلے سے اموات کی تعداد چار ہزار ہوگئی ہے جبکہ ہزاروں زخمی اسپتالوں میں زیرِ علاج ہیں۔ زلزلے کے باعث بیس دیہات صفحہ ہستی سے مٹ گئے، دو ہزارمکانات منہدم ہوئے اور بڑی تعداد میں لوگ بے گھر ہوئے ہیں۔ طالبان حکومت کے مطابق ایک ہزارسے زائد اہلکاروں پر مشتمل پینتیس ریسکیو ٹیمیں امدادی سرگرمیوں میں مصروف ہیں۔
