امریکی صدرجو بائیڈن سےنومنتخب صدرڈونلڈ ٹرمپ کی ملاقات میں کیا بات چیت کی گئی؟تفصیلات آگئیں
جوبائیڈن نےنومنتخب صدرڈونلڈ ٹرمپ کوصدرمنتخب ہونےپرمبارکباد دی اور وائٹ ہاس میں خوش آمدید کیا اورکہاکہ جیسا وعدہ کیا تھا میں پر امن انتقال اقتدار کےلیےتیارہوں
واشنگٹن(ویب ڈیسک)امریکی صدرجو بائیڈن سے نومنتخب صدرڈونلڈ ٹرمپ کی ملاقات میں کیا بات چیت کی گئی؟تفصیلات آگئیں،رپورٹ کےمطابق نومنتخب امریکی صدرڈونلڈ ٹرمپ نےوائٹ ہاس میں موجودہ امریکی صدرجوبائیڈن سے 2 گھنٹےکی طویل ملاقات کی۔غیرملکی خبررساں ایجنسی کےمطابق صدارتی انتخابات کےبعد دونوں سیاسی حریفوں کےدرمیان ہونےوالی یہ ملاقات انتخابی مہم کےدوران ایک دوسرے کےحوالےسےدیےگئے بیانات سے بالکل مختلف رہی۔امریکی صدرجوبائیڈن نےنومنتخب صدرڈونلڈ ٹرمپ کوصدرمنتخب ہونےپرمبارکباد دی اور وائٹ ہاس میں خوش آمدید کیا اورکہاکہ جیسا وعدہ کیا تھا میں پر امن انتقال اقتدار کےلیےتیارہوں۔
جواب میں ڈونلڈ ٹرمپ نےبھی جوبائیڈن کا شکریہ ادا کرتےہوئےکہا کہ سیاست ایک مشکل کام ہےکئی حوالوں سے ہرروز یہ کوئی بہت اچھی دنیا نہیں ہوتی لیکن آج کے دن یہ دنیا بہت اچھی ہے، ٹرمپ نے بھی کہا کہ وہ پر امن انتقال اقتدارکو سراہتےہیں۔واضح رہےکہ امریکی روایات کےمطابق صدارتی انتخابات کےبعد امریکی صدرنو منتخب امریکی صدرکو وائٹ ہاس میں مدعو کرتا ہے تاہم 2020 کے انتخابات میں شکست کے بعد ٹرمپ نے جوبائیڈن کو وائٹ ہاس میں مدعو نہیں کیا تھا۔
غیر ملکی خبر رساں ایجنسی کے مطابق ڈونلڈ ٹرمپ کی وائٹ ہاس آمد پر ان کے استقبال کے لیے جوبائیڈن کے ہمراہ امریکی خاتون اول جل بائیڈن بھی موجود تھیں جنہوں نے ٹرمپ کو میلانیا ٹرمپ کے لیے ہاتھ سے لکھا ہوا مبارک باد کا خط بھی دیا۔ڈونلڈ ٹرمپ 20 جنوری 2025 کو امریکی صدرکی حیثیت سے حلف اٹھائیں گے۔
