بھارتی فوج کی جارحیت جاری، ایک اور کشمیری شہید، تعداد 10ہوگئی

سری نگر (مانیٹرنگ ڈیسک، آن لائن) مقبوضہ کشمیر میں بھارتی فوج کی ریاستی دہشت گردی میں مزید ایک اور نوجوان شہید ہوگیا جس کے بعد دو ہفتوں میں شہید ہونے والوں کی تعداد 10 ہوگئی۔

انٹرنیشنل میڈیا کے مطابق ضلع سامبا میں بھارتی بارڈر سکیورٹی فورس نے گھبراہٹ اور خوف کے باعث ایک اور نوجوان کی جان لی۔ گزشتہ ماہ بھی بارڈر سکیورٹی فورس نے ایک نوجوان کو گولیاں مار کر شہید کردیا تھا۔عینی شاہدین کا کہنا ہے کہ سرحد پر گشت پر مامور بھارتی بارڈر فورس کے اہلکاروں نے نوجوان کو روکنے کا اشارہ کیا’ نہ رکنے پر سکیورٹی اہلکاروں نے نوجوان کو مسلح سمجھ کر گولیاں برسادیں۔ہلاکت کے بعد نوجوان کی تلاشی لی گئی تو اسلحہ یا کوئی بھی ممنوعہ سامان برآمد نہ ہوا۔ نوجوان کی تاحال شناخت ظاہر نہیں کی گئی۔ بھارتی بارڈر سکیورٹی فورس نے واقعے کی تفتیش کے لیے انکوائری کمیٹی تشکیل دیدی۔ترجمان بھارتی سکیورٹی فورس کا کہنا تھا کہ اگر انکوائری میں اہلکاروں کی غفلت اور لاپرواہی ثابت ہوگئی تو سخت تادیبی کارروائی کی جائے گی۔