بھارت میں تشدد کے واقعات، آسٹریلیا میں ہزاروں سکھوں کا احتجاج

آسٹریلیا(مانیٹرنگ ڈیسک) بھارت کی جانب سے سکھوں کو نشانہ بنانے کے خلاف آسٹریلیا میں ہزاروں سکھوں نے فیڈریشن اسکوائر سے پارلیمنٹ تک واک کرتے ہوئے احتجاج کیا گیا۔

انٹرنیشنل میڈیا کے مطابق احتجاجی مظاہرے کے موقع پر سکھ رہنماؤں کا کہنا تھا کہ احتجاج کا مقصد کینیڈا میں بھارتی ایجنٹوں کے ہاتھوں ہردیپ سنگھ کے قتل سے آگاہ کرنا ہے۔ انہوں نے مزید کہا کہ بھارت بیرون ملک آباد سکھ رہنماں کو خالصتان تحریک سے روکنے کیلئے راستے سے ہٹا رہا ہے۔ مظاہرین نے آسٹریلوی حکومت سے بھارت کی کارروائیوں کو لگام ڈالنے کا بھی مطالبہ کیا۔

واضح رہے کہ کینیڈا میں خالصتان رہنما ہردیپ سنگھ نجر کے قتل کے بعد کینیڈین حکومت کی جانب سے قتل کا الزام بھارتی خفیہ ایجنسیوں پر لگایا گیا تھا جس کے بعد دونوں ممالک کے درمیان کشیدگی میں اضافہ ہو گیا تھا۔ امریکا کی جانب سے بھارت پر زور دیا گیا کہ وہ کینیڈا میں قتل ہونے والے سکھ رہنما کے قتل کیس کی تحقیقات میں کینیڈا سے تعاون کرے جس کے جواب میں بھارت کی جانب سے شروع میں ہٹ دھرمی کا مظاہرہ کیا گیا تاہم بعد میں عالمی دبا کے باعث بھارت نے تعاون پر رضامندی کا اظہار کیا تھا۔