بیٹی کو شادی پر مجبور کرنے پر ماں کو جیل یاترا پر بھیج دیا گیا

آسٹریلیا (مانیٹرنگ ڈیسک) آسٹریلیا میں بیٹی کو شادی پر مجبور کرنے کے جرم میں افغان پناہ گزین ماں کو جیل بھیج دیا گیا’ قید کا سامنا کرنے والی سکینہ محمد آسٹریلیا میں جبری شادی کے قوانین کے تحت سزا پانے والی پہلی مجرم بن گئی۔

انٹرنیشنل میڈیا کے مطابق سکینہ کو بیٹی پر شادی کا دبا ڈالنے کے جرم میں 3 سال قید کی سزا سنائی گئی ہے، ممکنہ طور پر سکینہ کو 12 ماہ بعد رہا کیا جائے گا وہ اپنی باقی سزا کمیونٹی سروس میں پوری کرے گی۔ سکینہ نے اپنی بیٹی کو ایک شخص سے کچھ رقم کے عوض شادی کرنے پر مجبور کیا تھا، حلیمی نامی شخص نے شادی کے 6 ہفتے بعد سکینہ کی بیٹی کو قتل کر دیا تھا اور وہ اب عمرقید کاٹ رہا ہے ۔ سکینہ افغان پناہ گزین ہے جو 2013 میں اپنے 5 بچوں کے ساتھ ہجرت کر کے آسٹریلیا آئی تھی۔