تارکین وطن کی کشتی کو آگ لگنے سے 40سے زائد افراد جاں بحق

پورٹ او پرنس(مانیٹرنگ ڈیسک) ہیٹی میں تارکین وطن کی کشتی کو آگ لگنے سے 40 سے زائد افراد جاں بحق ہوگئے’ جبکہ کشتی میں کل 81افراد سوار تھے جن میں سے 41افراد کو بچا لیا گیا ہے۔

انٹرنیشنل آرگنائزیشن فار مائیگریشن کے حکام کا کہنا تھا کہ کشتی کو آگ لگنے کی اصل وجہ تو اب تک سامنے نا آسکی مگر کشتی میں سوار اور مقامی افراد کا کہنا ہے کہ مسافر محفوظ سفر کیلئے ایک مقامی رسم کے طور پر مشعل اور موم بتیاں روشن کر رہے تھے جس دوران ڈبوں میں بھرے پیٹرول میں آگ بھڑک اٹھی جس نے پوری کشتی کو اپنی لپیٹ میں لے لیا۔ حکام کے مطابق کا کہنا ہے کہ تارکین وطن کی کشتی کو حادثہ ہیٹی سے ٹرکس اور کایکوس (220 کلومیٹر دور) جزائر جانے کے دوران پیش آیا۔