جدید جنگی طیاروں کا معاملہ، اسرائیل کا امریکی کمپنی سے اربوں ڈالر کا معاہدہ

امریکہ (مانیٹرنگ ڈیسک) جدید جنگی طیاروں کے معاملہ پر اسرائیل نے امریکی کمپنی سے اربوں ڈالر کا معاہدہ کرلیا ہے یہ معاہدہ 5.2 ار ب ڈالر کا ہے اور یہ امریکی امداد کا حصہ ہے۔

انٹرنیشنل میڈیا کے مطابق اسرائیل نے جدید امریکی جنگی طیاروں کے لیے امریکی کمپنی سے 5.2 ارب ڈالر کا معاہدہ کرلیا۔ معاہدے کے تحت اسرائیل امریکی کمپنی بوئنگ سے 25 جدید ایف 15 جنگی طیارے حاصل کرے گا۔ یہ معاہدہ رواں سال اسرائیل کے لیے منظور کی جانے والی امریکی امداد کا حصہ ہے۔ معاہدہ اسرائیل کو جدید ایف 15 طیاروں کی فراہمی 2031 میں شروع ہوگی اور ہر سال 4 سے 6 طیارے فراہم کیے جائیں گے۔ اسرائیلی وزارت دفاع کے مطابق نئے طیارے زیادہ طویل پرواز کرسکیں گے اور زیادہ گولہ بارود لے جاسکیں گے۔