خالصتان تحریک کا ایک اور لیڈر سکھدول قتل، سکھوں میں غم و غصے کی لہر دوڑ گئی
سکھدول سنگھ کا تعلق بھارتی ریاست پنجاب سے تھا جو خالصتان تحریک کے حامی تھے، وہ 2017میں کینیڈا منتقل ہوئے تھے اور اسکے بعد سے وہیں مقیم تھے
کینیڈا(مانیٹرنگ ڈیسک) کینیڈا میں خالصتان تحریک کے ایک اور لیڈر سکھدول سنگھ ڈونیکے کو گولی مار کر قتل کر دیا جس کے بعد سکھوں میں غم و غصے کی لہر دوڑ گئی ہے۔
انٹرنیشنل میڈیا کے مطابق سکھدول سنگھ بھارت میں سب سے زیادہ مطلوب افراد کی فہرست میں شامل تھے۔ بھارتی ایجنسی این آئی اے نے بھی ان کے خلاف وارنٹ جاری کرررکھے تھے۔غیر ملکی میڈیا رپورٹس کے مطابق سکھدول سنگھ کا تعلق بھارتی ریاست پنجاب سے تھا جو خالصتان تحریک کے حامی تھے، سکھدول سنگھ 2017میں کینیڈا منتقل ہوئے تھے اور اسکے بعد سے وہیں مقیم تھے۔ سکھدول سنگھ کا قتل ایک ایسے وقت میں ہوا ہے جب کینیڈا میں رواں سال جون میں خالصتان تحریک کے رہنما ہردیپ سنگھ نجار کے قتل کے معاملے پربھارت اور کینیڈا کے درمیان سفارتی تنائو جاری ہے۔ سکھدول سنگھ ڈونیکے کو کینیڈا کے شہر ونی پگ میں گولی مار کر ہلاک کیا گیاہے۔
