دوسری شادی پر جھگڑا، سفاک شخص نے پہلی بیوی کے ٹکڑے کر دیئے

بھارت (مانیٹرنگ ڈیسک) بھارت میں ایک خوفناک واقعہ پیش آیا جس میں دوسری خاتون سے شادی کرنے پر جھگڑا ہوا تو سفاک شخص نے پہلی بیوی کے سینکڑوں ٹکڑے کر دیئے ہیں۔

انٹرنیشنل میڈیا کے مطابق 25 سالہ قصاب نریش بھنگڑا اور 24 سالہ گنگی کماری جوردگ گاں کے رہائشی تھے لیکن ملازمت کی وجہ سے وہ ریاست تامل ناڈو میں ایک ساتھ رہ رہے تھے۔ اس حوالے سے پولیس کی جانب سے بتایا گیا کہ دونوں گزشتہ کچھ عرصے سے تعلق میں تھے تاہم نریش نے بغیر بتائے گاؤں جاکر ایک دوسری خاتون سے شادی کر لی اور پھر وہ دوبارہ تامل ناڈو آکر گنگی کماری کے ساتھ رہنے لگا۔

پولیس نے بتایا کہ گنگی کماری واپس گاں جانا چاہتی تھی جس پر اس نے نریش سے ضد کی تاہم نریش گنگی کو گھر لے کر جانا نہیں چاہتا تھا۔ پولیس کے مطابق دونوں کے درمیان جھگڑا اس وقت ہوا جب گنگی کماری نے تامل ناڈو لے کر جانے سے انکار پر نریش سے اپنی واجب الادا رقم کا مطالبہ کیا، رقم واپسی کے مطالبے پر نریش نے گنگی کماری کو قتل کرنے کا منصوبہ بنایا اور اسے جنگل لے گیا جہاں دوپٹے سے گنگی کا گلا گھونٹا اور پھر اس کی لاش کے50 ٹکڑے کرکے جنگل میں پھینک دی ۔ پولیس نے بتایا کہ اس واقعے کا علم تب ہوا جب ایک آوارہ کتے کو انسانی باقیات کے ساتھ دیکھا گیا، جس پر پولیس نے تحقیقات کا آغاز کیا اور انسانی باقیات کے ساتھ ایک بیگ پایا جس میں گنگی کماری کے کاغذات اور تصویر سمیت دیگر ضروری سامان موجود تھا۔