سعودی عرب نے پاکستان سمیت 12ممالک کے پاسپورٹ میں بڑی تبدیلی کا اعلان کر دیا

جدہ (مانیٹرنگ ڈیسک، آن لائن) سعودی عرب کی جانب سے پاکستان سمیت مزید بارہ ممالک کے شہریوں کے لئے پاسپورٹ پرویزا سٹیکر ختم کرنے کے فیصلے پر عملدرآمد کا آغاز کر دیا گیا ہے۔

انٹرنیشنل میڈیا کے مطابق اس تبدیلی کے بعدان بارہ ممالک کو اب اقامہ ہو یا وزٹ ویزا یا پھر ملازمت تمام ویزے آن لائن جاری کئے جائیں گے۔ غیر ملکی خبر رساں ادارے کے مطابق دوسرے مرحلے کے ممالک میں پاکستان بھی شامل ہے، پاکستانی شہریوں کو بھی تمام ویزے آن لائن جاری کئے جائیں گے۔ اس حوالے سے سعودی عرب کے محکمہ شہری ہوا بازی نے سعودی ایئر پورٹس کے لیے پروازیں چلانے والی تمام فضائی کمپنیوں کوتحریری طور پر آگاہ کر دیاہے۔اب پاسپورٹ پر ویزا سٹیکر کی بجائے کاغذ پر ویزا پرنٹ ہو گا جس میں کیو آر کوڈ کے ذریعے مسافر کے ویزے سے متعلق تمام معلومات ہوں گی۔