شہبازشریف کو وزیراعظم منتخب ہونےپربھارتی وزیراعظم مودی کی مبارکباد

نیو دہلی(ویب ڈیسک) شہبازشریف کو وزیراعظم منتخب ہونے پربھارتی وزیراعظم نریندرمودی نےمبارکباد دی ہے۔ بھارتی وزیراعظم نریندرمودی نےسماجی رابطےکی ویب سائٹ ایکس پرپاکستان کےنومنتخب وزیراعظم شہبازشریف کومنصب سنبھالنےپرمبارکباددی ہے۔اس سےقبل سعودی ولی عہد شہزادہ محمد بن سلمان، ترک صدرطیب اردوان اورایران کےصدر نےبھی شہبازشریف کو وزیراعظم منتخب ہونے پرمبارکباد دی۔

واضح رہےکہ شہباز شریف نے گزشتہ روز پاکستان کے 24 ویں وزیراعظم کی حیثیت سے حلف اٹھایا اور وہ دوسری مرتبہ اس منصب پر فائز ہوئے ہیں۔ اس سے قبل پی ڈی ایم اتحاد میں وہ تقریباً 16 ماہ وزارت عظمیٰ کے منصب پر فائز رہے۔