شیخ حسینہ واجد کا امریکا کےخلاف بیان،بیٹے نےجھوٹ کا پلندہ قراردیدیا

واشنگٹن (ویب ڈیسک)شیخ خسینہ واجد کا امریکا کے خلاف بیان،بیٹے نے جھوٹ کا پلندہ قرار دیدیا۔رپورٹ کے مطابق
بنگلادیش کی سابقہ وزیر اعظم شیخ حسینہ واجد سے منسوب استعفے سے متعلق بیان پر ان کے بیٹے صجیب واجد نے ردعمل کا اظہار کیا ہے۔استعفے سے متعلق شیخ حسینہ سے منسوب بیان پر صجیب واجد نے تردید کرتے ہوئے کہا کہ میری والدہ سے منسوب استعفے سے متعلق حالیہ بیان سراسر جھوٹ اور من گھڑت ہے۔انہوں نے بتایا کہ بیان سے متعلق شیخ حسینہ سے تصدیق کی ہے اور والدہ نے ڈھاکا چھوڑنے سے پہلے یا بعد میں کوئی بیان نہیں دیا۔اس سے قبل برطانوی خبر ایجنسی کو دیے گئے انٹرویو میں حسینہ واجد کے بیٹے صجیب واجد نے دعوی کیا کہ بھارت روانگی سے قبل ان کی والدہ نے بطور وزیراعظم باضابطہ طور پر استعفی نہیں دیا تھا۔
واشنگٹن میں دیے گئے اپنے انٹرویو میں انہوں نے کہا کہ میری والدہ نے آفیشلی استعفی دیا اور نہ ہی انہیں اس کا وقت مل سکا تھا۔صجیب واجد کا کہنا تھا کہ ان کی والدہ نے استعفی دینے کا ارادہ کیا تھا اور وہ اس سلسلے میں اپنا بیان ریکارڈ کروانا چاہ رہی تھیں لیکن پھر مظاہرین نے وزیراعظم ہاس کی جانب پیش قدمی شروع کردی جس کے بعد انہیں بیان ریکارڈ کرنے یا استعفی دینا تو دور اپنا سامان اٹھانے کی مہلت بھی نہیں ملی۔