انٹرنیشنل
مقبوضہ کشمیر میں بھارتی فوج کی دہشتگردی جاری، ایک ماہ میں 8 کشمیری شہید
بھارتی فوج، پولیس، پیرا ملٹری فورسز، ایس آئی اے اور این آئی اے نے گھروں پر چھاپوں اور تلاشی اور محاصرے کی 261 کارروائیوں کے دوران 134 کشمیریوں کو گرفتارکیا
مقبوضہ کشمیر(مانیٹرنگ ڈیسک) مقبوضہ کشمیر میں بھارتی فوج کی دہشتگردی جاری ، گذشتہ ماہ اگست کے دوران بھارتی افواج نے اپنی ظالمانہ کارروائیاں کرتے ہوئے 8 نہتے کشمیریوں کو شہید کر دیا۔
انٹرنیشنل میڈیا کے مطابق بھارتی فوج کی جانب سے کشمیری نوجوانوں کو جعلی مقابلوں میں ماورائے عدالت قتل کیا گیا۔ بھارتی فوج، پولیس، پیرا ملٹری فورسز، ایس آئی اے اور این آئی اے نے گھروں پر چھاپوں اور تلاشی اور محاصرے کی 261 کارروائیوں کے دوران 134 کشمیریوں کو گرفتارکیا، جن میں بیشتر حریت رہنما، نوجوان، کارکن اور طلبا شامل تھے۔ گرفتار کئے گئے بہت سے کشمیریوں پر پبلک سیفٹی ایکٹ اور غیر قانونی سرگرمیوں کی روک تھام کے کالے قوانین لاگو کئے گئے۔
