مودی نےبھارت کی پہلی زیرآب میٹروسروس کا افتتاح کردیا،45 منٹ میں کتنےمیل کا سفرطےکرے گی؟

کولکتہ(ویب ڈیسک)مودی نےبھارت کی پہلی زیرآب میٹروسروس کا افتتاح کردیا،45 منٹ میں کتنےمیل کا سفرطےکرے گی؟ہمسایہ ملک کے شہریوں کے لئے بہت بڑی اور انوکھی سفری سہولت کا آغاز کردیا گیا بھارتی وزیر اعظم نریندر مودی نے 45 سیکنڈز میں 520 میٹر تک کا سفر طے کرنے والی بھارت کی پہلی زیر آب میٹرو کا افتتاح کر دیا۔ بھارتی میڈیا کے مطابق وزیر اعظم نریندر مودی نے آج کولکتہ میں ہندوستان کی پہلی زیر آب میٹرو روٹ کا افتتاح کیا ہے۔ بھارتی میڈیا اس زیرِ آب میٹرو روٹ کو تاریخی پروجیکٹ قرار دے رہا ہے جو روزانہ کی بنیاد پر لاکھوں افراد کے سفر کو آسان بنائے گا۔ میڈیا رپورٹس کے مطابق یہ میٹرو روٹ دریائے ہوگلی کے نیچے 16.6 کلومیٹر کے احاطے پر بنایا گیا ہے۔

پانی کے اندر میٹرو سروس کولکتہ میٹرو کے ایسٹ ویسٹ کوریڈور کے ہاوڑہ میدان ایسپلانیڈ سیکشن کا حصہ ہے جو دریائے ہوگلی کے نیچے 4.8 کلومیٹر کا فاصلہ طے کرے گی۔ افتتاح کے دوران وزیر اعظم مودی نے کئی اسکولوں کے طلبہ کے ساتھ زیر آب میٹرو کی پہلی سواری بھی کی۔ مودی سرکار نے آج زیرِ آب میٹرو کے افتتاح کے موقع پر 15,400 کروڑ روپے کے متعدد کنیکٹیویٹی پروجیکٹس (زمینی رابطے کے منصوبوں) کا سنگ بنیاد بھی رکھا ہے۔