ہانگ کانگ میں میڈیا آزادی کی تقریب، چین نے تمام ممالک سے بڑا مطالبہ کر دیا

بیجنگ (مانیٹرنگ ڈیسک) چین نے ہانگ کانگ میں میڈیا کی آزادی کے حوالے سے جنیوا میں اقوام متحدہ میں برطانیہ کی جانب سے منعقدہ تقریب کا بائیکاٹ کرنے کے لیے ممالک پر دباؤ ڈالا ہے۔ ‘ہانگ کانگ میں میڈیا فریڈم’ کے عنوان سے یہ تقریب اقوام متحدہ کی انسانی حقوق کونسل کے پانچ ہفتوں کے اجلاس کے موقع پر منعقد کی جا رہی ہے۔ مقررین میں جمی لائی کے بیٹے سیبسٹین لائی بھی شامل ہیں جنہوں نے اس ہفتے ہانگ کانگ کی ایک جیل میں سابق برطانوی کالونی کے قومی سلامتی کے قانون اور غداری سے متعلق الزامات میں اپنا 1000 واں دن منایا۔