دلچسپ و عجیب

غیر شادی شدہ جوڑوں کا پارک میں داخلہ بند

تفریحی پارکس میں خواتین کے ساتھ ہراسانی کے بڑھتے واقعات کے پیش نظر بھارت کے ایک پارک کی انتظامیہ کی جانب سے اس مسئلے کا حل نکالا گیا۔ 

بھارت کے شہر حیدرآباد کی ضلعی انتظامیہ کی جانب سے اخلاقیات کے تقاضوں کو پورا کرتے ہوئے غیر شادی شدہ جوڑوں کے پارک میں داخلے کو بند کر دیا۔حیدرآباد کی ضلعی انتظامیہ کی جانب سے پارک کے باہر لگائے گئے بینر پر واضح الفاظ میں درج ہے کہ غیر شادی شدہ جوڑوں کا پارک میں داخلہ منع ہے۔بعد ازاں  پارک میں لگائی گئی پابندی کو سوشل میڈیا پلیٹ فارم  ٹوئٹر پر صارفین کی جانب سے شدید تنقید کا سامنا کرنا پڑا، یہی نہیں  سوشل میڈیا صارفین کی جانب سے پابندی کو غیر آئینی قرار دیتے ہوئے اسے ہٹانے کا مطالبہ کیا گیا۔

سوشل میڈیا صارفین کے ردعمل کو دیکھتے ہوئے  بھارتی زونل کمشنر سکندرآباد نے ٹوئٹ کیا اور  بتایا کہ غیر شادی شدہ جوڑوں پر پابندی لگانے والے بینرز کو ہٹا دیا گیا ہے جبکہ پارک کا ماحول پرسکون رکھنے کے لیے پولیس کو بھی متحرک رہنے کی ہدایت کی گئی ہے۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.