دلچسپ و عجیب

دنیا کے دوسرے بڑے بے عیب گلابی ہیرے کو نیلامی کیلئے پیش کر دیا گیا

11.15 قیراط کے اس ہیرے کو رواں ہفتے ہانگ کانگ میں نیلام کیا جائے گا اور توقع ہے کہ یہ ساڑھے 3 کروڑ ڈالرز سے زائد پر فروخت ہوگا

دنیا کے دوسرے بڑے بے عیب گلابی ہیرے کو نیلامی کے لیے پیش کیا جارہا ہے مگر کیا آپ اس کی قیمت کا اندازہ لگاسکتے ہیں؟سب حیران و دنگ رہ گئے ہیں۔

تفصیلات کے مطابق 11.15 قیراط کے اس ہیرے کو رواں ہفتے ہانگ کانگ میں نیلام کیا جائے گا اور توقع ہے کہ یہ ساڑھے 3 کروڑ ڈالرز سے زائد قیمت (ساڑھے 7 ارب پاکستانی روپے سے زائد)پر فروخت ہوگا۔ اس ہیرے کو ولیمسن پنک اسٹار کا نام دیا گیا ہے جسے Sotheby ایشیا کی جانب سے نیلام کیا جائے گا۔ اس کمپنی کے مطابق کسی بھی حجم کے گلابی ہیرے کی دریافت کبھی کبھار ہی ہوتی ہے، کیونکہ اس حوالے سے معروف کان اب بند ہوچکی ہے۔ کمپنی نے بتایا کہ محدود سپلائی اور طلب میں اضافے کے باعث بڑے گلابی ہیروں کی قیمت میں بھی نمایاں اضافہ ہوا ہے۔

خیال رہے کہ گلابی رنگ کے ہیرے بہت کم ہوتے ہیں اور کسی کو معلوم نہیں ہیروں کی رنگت گلابی کیوں ہوتی ہے۔ جیسا اوپر درج کیا جاچکا ہے کہ یہ دنیا کا دوسرا بڑا بے عیب گلابی ہیرا ہے۔ اس سے قبل 2017 میں ہانگ کانگ میں ہی 59.60 قیراط کے سی ٹی ایف پنک اسٹار نامی گلابی ہیرے کو ریکارڈ 7 کروڑ 12 لاکھ ڈالرز میں نیلام کیا گیا تھا۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.