شوبز

قابل اعتراض مواد پر عدالت نے پروگرام بند کردیا

اسلام آباد ہائیکورٹ نے بول انٹرٹینمٹ پر چلنے والے وقار ذکاء کے پروگرام ” چیمپئنز” پر پابندی کا پیمرا کا فیصلہ برقرار رکھنے کا حکم دے دیا۔

پاکستان الیکٹرانک میڈیا ریگولیٹری اتھارٹی (پیمرا) نے بول انٹرٹینمنٹ کے پروگرام” چیمپئنز ” پر قابل اعتراض اور نامناسب مواد نشر کرنے پر 20 جنوری کو پابندی عائد کرتے ہوئے چینل کو 10 لاکھ روپے کا جرمانہ عائد کیا تھا۔

بول چینل کی انتظامیہ نے پیمرا کے حکم کے خلاف اسلام آباد ہائیکورٹ سے رجوع کیا  جس کے بعد کیس کی متعدد سماعتیں ہوئیں اور اسلام آباد ہائیکورٹ نے  پیمرا کے موقف کو تسلیم کرتے ہوئے چیمپئنز پروگرام  میں نشر کیے جانے والے مواد کو نازیبا، قابلِ اعتراض اور ملکی اقدار کے منافی ہونے پر پروگرام کی نشریات پر مکمل پابندی عائد کردی اور بول چینل کو 10 لاکھ روپے جرمانہ فوری پیمرا کو ادا کرنے کی ہدایت کردی۔

Tags
Back to top button
Close