شوبز

‘ارطغرل’ اور ‘حلیمہ سلطان’ کی آواز کے پیچھے کون ہے؟

شہرہ آفاق ترک سیریل "ارطغرل غازی” میں حلیمہ سلطان اور ارطغرل کا کردار پاکستان میں خوب مقبول ہورہا ہے اورلوگ ان کرداروں کے پیچھے چھپی آوازوں کے بارے میں بھی تجسس رکھتے ہیں۔

اس ضمن میں پاکستان ٹیلی ویژن کے چیف مارکیٹنگ اینڈ اسٹریٹیجی آفیسر نے  ایک انٹرویو کے دوران بتایا کہ ‘ارطغرل’، ‘حلیمہ سلطان’ اور ڈرامے کے دیگر کرداروں کی اُردو ڈبنگ کے لیے پی ٹی وی نے ایک تفصیلی اور طویل فیصلے کے بعد نجی ڈبنگ ایجنسی کا انتخاب کیا۔صداکار یعنی وائس اوور آرٹسٹ کے انتخاب کی ذمہ داری نجی ڈبنگ ایجنسی کو دی گئی تھی جبکہ حتمی فیصلہ پی ٹی وی نے آرٹسٹوں کی صلاحیت کو دیکھ کر کیا کہ کون سا آرٹسٹ کس کردار کی اردو میں ڈبنگ کرے گا۔

پی ٹی وی کے چیف مارکیٹنگ اینڈ اسٹریٹیجی آفیسر نے بتایا کہ صداکار کی صلاحیت کو دیکھتے ہوئے ’ارطغرل غازی‘ کے مرکزی کردار ’ارطغرل‘ کو اردو ڈب ’احتصام الحق‘ جب کہ ’حلیمہ سلطان‘ کو اردو زبان میں ڈب کرنے کے لیے’کرن راجپوت‘ کو چنا گیا۔

rabia kiran rajpoot

انہوں نے بتایا کہ یہ تمام صداکار ’ارطغرل غازی‘ کے پانچویں سیزن تک اِسی طرح اردو ڈبنگ جاری رکھیں گے۔

 

Tags
Back to top button
Close