شوبز

فیصل قریشی اور فریال محمود کی”سوری”کا پہلا ٹیزر

اداکار فیصل قریشی کی فریال محمود کے ساتھ فلم ’سوری‘ کا پہلا ٹیزر جاری کردیا گیا ہے۔

فیصل قریشی سہیل جاوید کی ڈائریکشن میں بننے والی فلم ’’سوری‘‘ سے بڑے پردے پر واپسی کررہے ہیں جس میں ان کے ساتھ اداکارہ فریال محمود مرکزی کردار میں دکھائی دیں گی۔

’’سوری‘‘ کی کہانی محبت میں اتار چڑھاؤ کے گرد گھومتی ہے کہ کس طرح ایک انسان کو پہلے محبت ملتی ہے لیکن چند وجوہات کی وجہ سے وہ اسے کھو دیتا ہے۔ فلم کے پہلے ٹیزر میں زیادہ کچھ نہیں دکھایا گیا اس کا مطلب مداحوں کو فلم کی کہانی ٹریلر کا انتظار کرنا پڑے گا تاہم فلم کی ریلیز کے حوالے سے اب تک کوئی حتمی تاریخ سامنے نہیں آئی۔

اس سے قبل اداکار فیصل قریشی کے ساتھ مرکزی کردار میں سونیا حسین کو کاسٹ کیا گیا تھا تاہم شیڈول نہ ہونے کے سبب انہیں فلم چھوڑنا پڑی اور ان کی جگہ فریال محمود کو فلم کا حصہ بنایا گیا جب کہ فلم کی دیگر کاسٹ میں آمنہ شیخ اور زاہد احمد شامل ہیں۔

متعلقہ خبریں

Back to top button