شوبز

دوسری شادی اس لئے کی تھی کیونکہ۔۔۔حدیقہ کیانی نے سچ بول دیا

 حدیقہ کیانی نے انکشاف کیا ہے کہ اُنہوں نے دوسری شادی کس وجہ سے کی تھی؟

اپنے ایک انٹرویو میں اُنہوں نے اپنی دونوں طلاقوں کے بارے میں کُھل کر بات کی ۔حدیقہ کیانی نے کہا کہ ’جب میری پہلی طلاق ہوئی تو میں نے کافی عرصے تک شادی نہیں کی تھی لیکن اس عرصے کے دوران میری زندگی میں ایک شخص تھا جو کہ مجھ سے کافی فاصلے پر ہونے کے باوجود بھی میرے ساتھ تھا۔‘

گلوکارہ نے کہا کہ ’میں پہلی طلاق کے بعد ماں بننا چاہتی تھی تو میں نے اس شخص سے یہ بات کی جس پر انہوں نے مجھے بچہ گود لینے کا مشورہ دیا کیونکہ میری خواہش تھی کہ میں ماں بنوں۔‘

اُنہوں نے کہا کہ ’میں چاہتی تھی کہ میں جس بچے کو گود لوں اُسے والد کا نام دوں اور دیگر والدین کی طرح اُس کی پرورش کروں یعنی اُس بچے کو ماں اور باپ دونوں کا پیار ملے۔‘حدیقہ کیانی نے کہا کہ ’میں نے اکتوبر میں بچے کو گود لیا لیکن اُس کی کاغذاتی کارروائی باقی تھی جس کے لیے مجھے جلدی دوسری شادی کرنی پڑی تاکہ بچے کو والد کا نام مل سکے۔‘ ’میں نے دسمبر میں فون پر گھروالوں کی موجودگی میں اُس شخص سے نکاح کیا کیونکہ وہ انگلینڈ میں مقیم تھے۔‘

حدیقہ کیانی نے بتایا کہ ’میری دوسری شادی کے بعد میری والدہ کو فالج ہوگیا اور میں اپنے شوہر کے پاس انگلینڈ نہیں جاسکی کیونکہ مجھے والدہ کی دیکھ بھال کرنی تھی۔‘ ’اس طرح شادی کے صرف دو ماہ بعد یعنی فروری میں مجھے دوسری طلاق ہوگئی۔‘

گلوکارہ نے کہا کہ ’اُس دن کے بعد سے، میں اکیلے اپنے بچے اور ماں کی دیکھ بھال کررہی ہوں اور میں ناصرف خوش ہوتی ہوں بلکہ خود کو مضبوط خاتون بھی سمجھتی ہوں۔‘

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.