شوبز

کامیڈی شو ”دی کپل شرما شو” کو کرشنا کے بعد ایک اور اہم فنکار نے خیر باد کہہ دیا

کرشنا ابھیشیک کے بعد چندو (چندن پرابھاکر)بھی اب کپل شرما شو کے نئے سیزن میں نظر نہیں آئیں گے

بھارت کے مقبول کامیڈی شو ‘دی کپل شرما شو’ کا نیا سیزن کچھ ہی دنوں میں شروع ہونے جارہا ہے لیکن کرشنا کے بعد ایک اور اہم فنکار نے اس شو کو خیر باد کہہ دیا ہے۔

تفصیلات ے مطابق معروف کامیڈین و اداکار کرشنا ابھیشیک کے بعد اب شو کے ایک اور اہم فنکار نے کپل شرما شو کو خیر باد کہہ دیا ہے۔ انٹرنیشنل میڈیا رپورٹس کے مطابق چندو (چندن پرابھاکر)کپل شرما شو کے نئے سیزن میں نظر نہیں آئیں گے۔ انٹرنیشنل میڈیا کو ایک انٹرویو میں چندن پرابھاکر نے تصدیق کرتے ہوئے کہا کہ’ میں دی کپل شرما شو کے اس سیزن کا حصہ نہیں ہوں ، اس کی کوئی خاص وجہ نہیں ہے۔ میں صرف تھوڑا بریک لینا چاہتا ہوں’۔ گزشتہ ماہ بھارتی سنگھ نے اعلان کیا تھا کہ وہ اب کپل شرما شو میں زیادہ نظر نہیں آئیں گی، دیگر مصروفیات کے باعث انہوں نے کبھی کبھی شو میں نظر آنے کا بتایا تھا، اس کے بعد یہ خبریں سامنے آئیں کہ کرشنا نے بھی شو چھوڑ دیا۔

بعد ازاں کرشنا ابھیشیک نے خود تصدیق کرتے ہوئے بتایا تھا کہ وہ کامیڈی شو کا حصہ نہیں ہوں گے۔ کرشنا سے میڈیا ٹاک کے دوران جب کامیڈی شو سے متعلق سوال ہوا تو انہوں نے مختصر جواب دیتے ہوئے بتایا کہ’ہاں میں اب یہ شو نہیں کروں گا، پروگرام کے پروڈیوسرز کے ساتھ معاہدے کے مسائل ہیں’۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.