شوبز

بھارتی پولیس کی نا اہلی یا پھر ملی بھگت، گلوکار سدھو موسے والا کا قتل پولیس حراست سے فرار

سدھو موسے والا کے قتل میں ملوث دیپک ٹینو مبینہ گینگسٹر لارنس بشنوئی کا قریبی ساتھی ہے جس نے موسے والا کے قتل میں اہم کردار ادا کیا

بھارتی پولیس کی نا اہلی یا پھر ملی بھگت، بھارت کے آنجہانی گلوکار سدھو موسے والا کے قتل میں گرفتار ملزم دیپک ٹینو پولیس حراست سے فرار ہونے میں کامیاب ہوگیا۔

تفصیلات کے مطابق رپورٹس میں بتایا گیا ہے کہ سدھو موسے والا کے قتل میں ملوث دیپک ٹینو مبینہ گینگسٹر لارنس بشنوئی کا قریبی ساتھی ہے جس نے موسے والا کے قتل میں اہم کردار ادا کیا۔ پولیس کا بتانا ہے کہ ملزم ہفتے کی شب مانسا سے اپنی گرل فرینڈ کی مدد سے پولیس کرائم انویسٹی گیشن ایجنسی کی حراست سے فرار ہوگیا، در اصل ٹینو نے سی آئی اے کے انچارج پریت پال سنگھ بریجا سے دوستی کرلی تھی جو کہ اس پر نظر رکھنے کا ذمہ دار تھا تاہم ملزم نے اسے بے وقوف بنایا اور فرار ہوگیا۔ بھارتی میڈیا نے واقعے کی تفصیل سے متعلق بتایا کہ دیپک کو ہفتہ شب جھنیر کے ایک گیسٹ ہاس لایا گیا تھا، بتایا جارہا ہے کہ پریت پال سنگھ شروع سے ہی ٹینو کی طرف نرمی برتے ہوئے تھے اور تحقیقات میں پتا چلا کہ انہوں نے ملزم کو فون بھی فراہم کیا تھا۔

میڈیا کے مطابق ہفتے کی شب فارم ہاس پہنچنے پر دیپک ٹینو نے اپنے دوستوں کو فون کیا اورگاڑی لانے کا کہا، ٹینو کی گرل فرینڈ بھی آئی اور وہ اس کے ساتھ کمرے میں چلی گئی جب کہ پریت پال سنگھ دوسرے کمرے میں چلا گیا تھا، ٹینو نے دو دن پہلے اپنے فرار کا منصوبہ بنایا تھا تاہم اس کے بعد پولیس افسر گہری نیند سوگیا جس کے بعد ٹینو گرل فرینڈ کی آڑ میں فرار ہونے میں کامیاب ہوگیا، شبہ ظاہر کیا جارہا ہے کہ پریت پال کو کھانے یا چائے میں نشہ آور دوا ملاکر سلایا گیا تھا۔ دیپک ٹینو کے فرار ہونے کے بعد سی آئی اے افسر پریت پال کو برطرف کردیا گیا ہے۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.