بچپن کا صدمہ بڑے ہو کر صحت کے مسائل پیدا کرسکتے ہیں، تحقیق

لاہور(ہیلتھ ڈیسک)ایک نئی تحقیق میں بتایا گیا ہے کہ وہ افراد جنہوں نے اپنے بچپن میں شدید صدمے یا ذہنی دبا سے بھرپور لمحات گزارے ہوں ان کے بڑی عمر میں متعدد طویل مدتی صحت کے مسائل میں مبتلا ہونے کے زیادہ خطرات ہوتے ہیں۔اسکاٹ لینڈ کی یونیورسٹی آف ڈنڈی میں کی جانے والی ایک تحقیق میں معلوم ہوا کہ بچپن میں پیش آنے والا تنا والا ہر تجربہ بعد کی زندگی میں طویل مدتی صحت کے مسائل میں 13 فیصد تک کا اضافہ کرتا ہے۔ایڈورس چائلڈ ہوڈ ایکسپیریئنس (اے سی ای) ایسے ٹرامیٹک یا تنا والے تجربے ہوتے ہیں جو 18 برس کی عمر سے پہلے پیش آتے ہیں۔

ان میں متعدد اقسام کے منفی تجربات ہوتے ہیں جن میں تشدد کا شکار ہونا، نظر انداز کیا جانا، گھریلو مسائل اور بلی، خشک سالی یا جنگ شامل ہیں۔اس تحقیق سے قبل اے سی ایز کا بڑی عمر میں خراب صحت اور سماجی نتائج کے زیادہ خطرات سے تعلق بتایا جا چکا ہے۔ای سی ایز اور طویل مدتی صحت کے مسائل کے درمیان تعلق بتانے کے لیے ڈاکٹر ڈھین سینارتنے کی رہنمائی میں کام کرنے والی ایک ٹیم نے 3 لاکھ 70 ہزار افراد پر کیے جانے والے 25 مطالعوں کا میٹا اینالسس اور سسٹمیٹک ریویو کیا۔