صحت

کیا آپ فالسہ کےجادوئی فوائد حاصل کرنا پسند کریں گے؟

بہت سارے لوگ موسم گرما کا انتظار کرتے ہیں تاکہ وہ فالسہ سے بےشمار فوائد حاصل کرسکیں

کیا آپ فالسہ کےجادوئی فوائد حاصل کرنا پسند کریں گے؟ میٹھا اور کھٹا فالسہ ایک چھوٹا سا گہرا جامنی رنگ کا پھل ہے جس کی پیداوار موسم گرما میں ہوتی ہے جس میں صحت سے متعلق حیرت انگیز فوائد موجود ہوتے ہیں، فالسہ میں سوجن کے خاتمے کی خصوصیات موجود ہوتی ہیں، بخار میں فالسہ کھانا مفید سمجھا جاتا ہے، اس کے علاوہ امراضِ قلب کے افراد اور دمہ کے مریضوں کو بھی فالسہ کھانے کا مشورہ دیا ہے۔ بہت سارے لوگ موسم گرما کا انتظار کرتے ہیں تاکہ وہ فالسہ سے بےشمار فوائد حاصل کرسکیں، آئیے ہم بھی فالسہ کے صحت سے متعلق چند فوائد کے بارے میں جاننے کی کوشش کرتے ہیں۔

فالسہ کھانا آپ کی مجموعی صحت کے لیے بہت اچھا ہے، یہ آپ کے دل کی صحت کو بہتر کرتا ہے، بلڈ پریشر اور جسم کے کولیسٹرول کی سطح کو منظم کرتا ہے۔ اس کے علاوہ موسم گرما کا یہ پھل آپ کو بخار، نزلہ اور جسم پر موجود سوزش جیسے مسائل سے نجات دلانے میں بھی مدد کرتا ہے۔ فالسہ کے ساتھ ہی اس کا جوس بھی بہت مفید ہوتا ہے، فالسے کا جوس پینے سے نظام ہاضمہ بہتر ہوتا ہے اور سینے کی جلن بھی ختم ہوتی ہے۔ فالسہ میں موجود کیلشیم کی وجہ سے اس پھل کو مضبوط ہڈیوں کے لیے بہت مفید سمجھا جاتا ہے۔

فالسہ سانس کی دشواریوں کا بھی ایک بہت اچھا علاج ہے، یہ دمہ، کھانسی، سردی اور گلے کی سوزش جیسے مسائل کا علاج کرسکتا ہے۔ فالسہ آپ کی جِلد کے لیے بھی بہت مفید ہے، یہ آپ کی جِلد کو ایکنی جیسے مسائل سے پاک کرتا ہے اور ساتھ ہی آپ کی جِلد کو تر و تازہ اور خوبصورت بھی بناتا ہے۔ فالسہ میں اینٹی آکسیڈینٹس، وٹامن اے اور سی کی خصوصیات موجود ہوتی ہیں جن سے مختلف قسم کے کینسر کو روکنے میں بھی مدد ملتی ہے۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.