صحت

پھل کھانےکا ایک وقت ہوتا ہے لیکن ہم؟

عام  غذاؤں کےساتھ  پھلوں اورخُشک میوہ جات کا استعمال بھی لازمی کرنا چاہیے

پھل کھانےکا ایک وقت ہوتا ہے لیکن ہم؟ طبی ماہرین کی جانب سےتجویزکیا جاتا ہےکہ عام  غذاؤں کےساتھ  پھلوں اورخُشک میوہ جات کا استعمال بھی لازمی کرنا چاہیےجن کےاستعمال سےانسان خود کو توانا، تروتازہ اورفرحت بخش محسوس کرتا ہے۔ طبی وغذائی ماہرین کے مطابق ہرغذا کے کھانےکا ایک  وقت ہوتا ہےجس میں اُس غذا کےکھانےسےمکمل مستفید ہوا جا سکتا ہے۔

ماہرین کےمطابق صبح کا وقت ایسا ہےجب انسان بہترغذا کےذریعےاپنی صحت کومزید بہتراورزندگی طویل بنا سکتا ہے اور اسی دوران تازہ پھلوں اورخشک میوہ جات کا استعمال بھی تجویزکیا جاتا ہےمگرہرپھل صبح نہارمنہ کھانا صحت کے لیے مفید ثابت نہیں ہوتا۔

صبح ، نہار منہ کن تازہ پھلوں کا استعمال کیا جا سکتا ہے ؟

تحقیق کے مطابق پھل ہماری صحت کے لیے اہم اور بے حد مفید قدرتی غذا ہے، پھلوں میں وٹامنز، منرلز، غذائی اجزاء، فائبر اور پانی کی کثیر تعداد پائی جاتی ہے۔  ماہرین کا کہنا ہے کہ مناسب طریقے سے اپنی خوراک میں پھلوں کو شامل کرنے سے میٹابالزم بہتر اور جسمانی اعضاء اور پٹھوں کی کارکردگی بہتر اور افزائش ہوتی ہے ۔

نہار منہ تازہ پھل کھانے سے جسم کو بہت زیادہ توانائی بھی ملتی ہے، وزن میں نمایاں کمی ہوتی ہے اور متعدد بیماریوں سے نجات ممکن ہوتی ہے۔ ماہرین کی جانب سے صبح کے ناشتے کو بہت اہمیت دی جاتی ہے، اس دوران کونسے تازہ پھل صحت کے لیے مثبت قرار دیئے جاتے ہیں اُن کی فہر ست مندرجہ ذیل ہے۔

سیب بہترین انتخاب

سیب کو کرشماتی پھل کہا جاتا ہے کیوں کہ سیب میں فائبر وافر مقدار میں موجود ہوتا ہے جو جسم میں پانی کو اپنی جانب کھینچ کر ایک جیل تشکیل دیتا ہے جو غذا کے ہضم ہونے کا عمل سست کرتا ہے۔ روزانہ ایک سیب سے زیادہ دیر تک پیٹ بھرے رہنے کا احساس ہوتا ہے اور بلڈ، شوگر لیول متوازن جبکہ انسولین کی افزائش مثبت مقدار میں ہوتی ہے ۔

اس کے علاوہ صبح کے اوقات میں روزانہ ایک سیب کھانے سے فالج سے بچاؤ میں مدد ملتی ہے، ایک ڈچ تحقیق کے دوران 10 برسوں تک 20 ہزار سے زائد رضاکاروں میں پھلوں اور سبزیوں کے استعمال کا جائزہ لیا گیا، نتائج سے معلوم ہوا کہ سرخ سیب کھانے کی عادت رکھنے والے رضاکاروں میں فالج کا خطرہ 9 فیصد تک کم ہوجاتا ہے۔

نارنگی

نارنگی کو دن میں کسی بھی وقت کھایا جاسکتا ہے لیکن اسے صبح ناشتہ میں خصوصاً خالی پیٹ کھانے سے گریز کریں، صبح نہار منہ نارنگی کھانے سے جسم میں الرجی پیدا ہوسکتی ہے۔

کیلا

کیلا ایک ریشہ دار غذا ہے، ناشتہ میں یا دن کے کسی بھی حصہ میں کیلا کھانا آپ کے ہاضمہ کے عمل کو تیز کرسکتا ہے  البتہ شام یا رات میں کیلا کھانا نقصان کا سبب بن سکتا ہے لہٰذا اسے بھی صبح ناشتے میں کھانا مفید ہے۔

تربوز

صبح نہار منہ تربوز کھانا مثبت قرار دیا جاتا ہے، صبح نہار منہ تربوز کھانا انسانی جسم کے لیے بہت مفید ہے کیونکہ تربوز میں لائکوپین کی زیادہ مقدار موجود ہے جو آنکھوں اور دل کے لیے موثر ہے، موسم گرما کے اس پھل کے صبح نہار منہ استعمال سے صحت بہتر اور پانی کی کمی پوری ہوتی ہے ۔

خشک میوہ جات

دن بھر میں خشک میوہ جات کا استعمال آپ کو بے وقت بھوک سے بچائے گا اور بے وقت نہ کھانے سے  وزن میں کمی بھی واقع ہوگی۔ خیال رہے کہ خشک میوہ جات جیسے بادام، پستہ، اخروٹ وغیرہ بھرپور غذائیت کے حامل ہوتے ہیں لہٰذا انہیں رات میں کھانے سے پرہیز کرنا چا ہیے۔

بادام بہترین انتخاب

بادام میں مینگنیز، وٹامن ای، پروٹین، فائبر، اومیگا 3 اور اومیگا 6 فیٹی ایسڈ بھرپو مقدار میں پایا جاتا ہے، بادام کھانے کا صحیح طریقہ یہ ہے کہ انہیں طاق شمار کر لیا جائے اور  رات میں ہمیشہ بھگو کر  پھر صبح نہار منہ چھلکے کے بغیر کھایا جائے۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.