صحت

خبردار؛ مولی آپ کو نقصان بھی پہنچا سکتی لیکن کس طرح؟

مولی بھی گاجر کی طرح ایک جڑ اور نہایت صحت بخش سبزی ہے۔ حیرت انگیزطور پر مولی اور اس کے پتے دونوں ہی جسم کے لئے ضروری وٹامنز اور منرلزفراہم کرنے کے لئے بہترین تصور کئے جاتے ہیں۔ اس کا مزاج سرد اور خشک ہے، مولی اپنے منفرد ذائقہ کی بدولت میٹھے اور نمکین دونوں طرح کے پکوانوں میں استعمال کی جاتی ہے۔

مولی کو زیادہ ترسلاد کو طورپراستعمال کیا جاتا ہے، جس طرح کسی بھی چیز کی زیادتی نقصان کا باعث بنتی ہے اسی طرح کچھ سبزیوں میں ایسے اجزاء پائے جاتے ہیں جنہیں اگر کسی دوسری سبزی یا غذا کے ساتھ کھایا جائے تو اس کا نقصان کسی بیماری کی صورت میں سامنے آتا ہے مولی کا شمار بھی ان میں سے ایک ہے۔

یہاں پر اس صحت بخش سبزی کے دوسری غذاؤں کے ساتھ استعمال کرنے سے جو نقصان سامنے آتے ہیں ان سے آگاۃ کیا جارہا ہے۔

ٹماٹر

سلاد سب ہی شوق سے کھاتے ہیں اور اس میں جن سبزیوں کو استعمال کیا جاتا ہے ان میں مولی اور ٹماٹرسرفہرست ہے، آپ کو یہ بات جان کر نہایت حیرت ہوگی کہ مولی کو ٹماٹر کے ساتھ رات میں کھانے سے معدے میں گیس کی شکایت پیدا پوسکتی ہے۔

اس کی ایک وجہ ہے تو یہ ہے کہ رات کا کھانا دن بھر کے طویل وقفے کے بعد کھایا جاتاہے دوسرا مولی دیر سے ہضم ہونے والی سبزی ہے اسی لئے دونوں کو ملا کر استعمال سینے میں جلن کا باعث بھی بن سکتاہے اور یہ جلن معدے میں تیزابیت کا وجہ سے ہوتی ہے جب یہ تیزابیت معدہ کے منہ کی جانب آتی ہے توگیس اور تیزابیت کی وجہ سے کٹھی ڈکاریں بھی آنا شروع وجاتی ہیں۔

دودھ

ویسے تومولی اوردودھ دونوں ہی صحت بخش غذا ہے لیکن ان دونوں کا ایک ساتھ استعمال خطرناک نتائج دے سکتا ہے، اس کی بنیادی وجہ یہ ہے کہ مولی میں پائے جانے والے اجزاء اور اس کی تاثیراور دودھ میں موجود کیمیائی اجزاء ایک ساتھ ملنے پر معدے میں بگاڑ کا سبب بن سکتے ہیں اوراس کے ری ایکشن کے طور پر بخار، الرجی اور جسم پر داغ نمودار ہوسکتے ہیں۔

مچھلی

مولی اور مچھلی دونوں کو ایک ساتھ کھانے سے کسی قسم کی بیماری کا خدشہ تو نہیں ہوتا لیکن اس سے نظام انہضام ضرور متاثر ہوسکتا ہے وجہ یہ ہے کہ یہ دونوں غذائیں  دیر سےہضم ہوتی ہیں اس لئے ان دونوں کو ایک ساتھ استعمال کرنے سے گریز کرنا چاہئے۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.