انٹرنیشنل

امریکا بھی کورونا 2 کے حملہ سے بچنے میں ناکام

برطانیہ سے پھیلنے والا کورونا کا نیا وائرس کئی ممالک کے بعد اب امریکا بھی پہنچ گیا

برطانیہ سے پھیلنے والا کورونا کا نیا وائرس کئی ممالک کے بعد اب امریکا بھی پہنچ گیا۔ برطانوی نشریاتی ادارے کے مطابق امریکا میں کووڈ 19 کے نئے وائرس کا پہلا کیس سامنے آیا ہے جس کی تصدیق ریاست کولوراڈو کے ایک 20 سالہ نوجوان میں ہوئی۔ میڈیا رپورٹس کے مطابق کورونا کی نئی قسم سے متاثرہ نوجوان کی کوئی ٹریول ہسٹری نہیں جب کہ متاثرہ شخص میں وائرس کی تصدیق کے بعد اسے قرنطینہ کردیا گیا ہے۔

ریاست کے محکمہ صحت کے حکام کا کہنا ہےکہ وہ متاثرہ مریض سے رابطے میں رہنے والوں کی تلاش کررہے ہیں اور وائرس کی نئی قسم کے دیگر کیسز پر بھی کام جاری ہے۔ ریاست کولوراڈو کے گورنر جیرڈ پولس نے کہا کہ کورونا کی نئی قسم سے متاثرہ مریض کو البرٹ کاؤنٹی کے نزدیک آئسولیٹ کیا گیا ہے جب کہ حکام اس سلسلے میں مزید تحقیقات کررہے ہیں البتہ مریض کے قریبی روابط میں اب تک کسی شخص میں وائرس کی تصدیق نہیں ہوئی ہے۔

متعلقہ خبریں