انٹرنیشنل

ایران نے ملٹری مشق کے دوران بلیسٹک میزائلوں اور ڈرونز کا تجربہ کرکے سب کو حیران کر دیا

زمین سے زمین تک مار کرنے والے بلیسٹک میزائلوں کا ٹیسٹ کیا اور مقامی سطح پر تیار کیے گئے نئے ڈرونز کا بھی تجربہ کیا

ایران نے ملٹری مشق کے دوران بلیسٹک میزائلوں اور ڈرونز کا تجربہ کرکے سب کو حیران کر دیا ہے، یہ مشقیں ایران کے مرکزی صحراریجن میں کی گئیں۔

انٹرنیشنل میڈیا کے مطابق ایران کے مرکزی صحرا ریجن میں فوجی مشق کی گئی۔ فوجی مشق میں پاسداران انقلاب گارڈز نے بڑی تعداد میں زمین سے زمین تک مار کرنے والے بلیسٹک میزائلوں کا ٹیسٹ کیا اور مقامی سطح پر تیار کیے گئے نئے ڈرونز کا بھی تجربہ کیا۔ مشق میں بمبار ڈرونز نے فرضی دشمن میزائل شیلڈ پر ہر طرف سے حملہ کیا اور اہداف کو مکمل طور پر تباہ کیا۔

پاسداران انقلاب کے سربراہ بریگیڈئیر جنرل حسین سلامی نے کہا کہ میزائل اور ڈرونز گائیڈنس اور کمانڈ اینڈ کنٹرول میں نئی ٹیکنالوجیز کی کامیاب جانچ، اس مشق کی ایک خصوصیات ہیں۔ انہوں نے کہنا تھا کہ مشق کے پہلے مرحلے میں بیلسٹک میزائل داغنے اور اہداف کو تباہ کرنے کے ساتھ جدید ترین رہنمائی اور کنٹرول ٹیکنالوجیوں اور مصنوعی ذہانت سے لیس بڑی تعداد میں جارحانہ جنگی ڈرونز کے استعمال سے ایران کی دفاعی صلاحیتوں کا شاندار مظاہرہ کیا گیا۔

متعلقہ خبریں

Back to top button