انٹرنیشنلفیچرڈ پوسٹ

دنیا کے 10 امیرترین خاندانوں کی فہرست سامنے آگئی

دنیا کے 10 امیرترین خاندانوں کی فہرست سامنے آگئی،چاکلیٹ اورپرفیومزبنانے والوں نےبھی میدان مارلیا،،سب حیران رہ گئے

دنیا کے 10 امیرترین خاندانوں کی فہرست سامنےآگئی،چاکلیٹ اورپرفیومزبنانےوالوں نےبھی میدان مارلیا،،سب حیران رہ گئے،رپورٹس کے مطابق دنیا میں کچھ ایسےخاندان بھی ہیں جوگزشتہ کئی دہائیوں سےدولت مند ترین خاندان ہیں اورکپڑے ،خوشبوئیں اورچاکلیٹ بیچ کروہ آج بھی دنیا کےامیرترین خاندان میں شامل ہیں۔

تفصیلات کے مطابق سال 2020ءمیں دنیا کےدس امیرترین خاندانوں کی فہرست جاری کی گئی ہےجس کے مطابق دنیا کا سب سے امیر والٹن خاندان ہیں جو کہ امریکہ میں سپرسٹوروالمارٹ کا مالک ہے،والمارٹ کے اس وقت دنیا بھرمیں 11ہزار 410سٹورز ہیں جن میں سے آدھے سے زیادہ امریکہ میں ہیں اوراس خاندان کا دولت کا تخمینہ 215 بلین ڈالرلگایا گیا ہے۔

فہرست میں دوسرے نمبر پرمارزخاندان دنیا کا دوسرا سب سےامیرخاندان ہے، اس خاندان کی چوتھی نسل چاکلیٹ کےبزنس میں ہے اور وہ دنیا کی مشہور زمانہ مارز چاکلیٹ فروخت کرتے ہیں جبکہ اس خاندان کی دولت کا تخمینہ 120 بلین ڈالر لگایا گیا ہے۔ تیسرے نمبر پر دنیا کا امیر ترین خاندان کوک ہے ، ان کا کاروبار پٹرولیم سے وابستہ ہے ، اس کے علاوہ یہ خاندان سیاست میں بھی بہت ایکٹو ہے جبکہ اس خاندان کی دولت کا تخمینہ 109.7بلین ڈالر لگایا گیا ہے۔

فہرست کے مطابق دنیا کے چوتھا سب سے ا میر خاندان آل سعو دہے ، بلومبرگ کے مطابق اس خاندان کی دولت کا تخمینہ 95بلین ڈالر ہے ، اس خاندان کی آمدن کا ذریعہ بھی پٹرولیم سے وابستہ ہے جبکہ آل سعود سعودی عرب کا کنٹرول بھی سنبھالے ہوئے ہیں ۔

فہرست میں بھارت سے تعلق رکھنے والے امبانی خاندان نے امیر ترین فیملی میں پانچویں نمبر پر اپنی جگہ بنائی ہے،امبانی فیملی کی کل دولت کا تخمینہ 81.3بلین ڈالر لگا یا گیا ہے جبکہ امبانی خاندان انڈیا کے صنعتی گروپ ریلائنس کا مالک ہے۔ مکیش امبانی اس وقت دنیا کے 21ویں سب سے امیر شخص کے طور پربھی جانے جاتے ہیں۔

چھٹے نمبر پر دنیا کے مشہور زمانہ فیشن برینڈ ہرمیس کا مالک خاندان ڈوماس 63.9بلین ڈالر ، خوشبوئیں بنانے والے ممتاز برینڈ شنیل کا مالک ورٹیمر خاندان 54.4بلین ڈالر کی دولت کے ساتھ ساتویں ، 46.3ملین ڈالر کی دولت کے ساتھ جانسن خاندان آٹھویں ، جرمن دوا ساز خاندان بوہنگر بمباچ 45.7بلین ڈالر کے ساتھ نویں جبکہ جرمنی کے سپر سٹور چین کے مالک البرچٹ خاندان 41بلین ڈالر کی دولت کے سا تھ دسویں نمبر پر ہیں۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.