انٹرنیشنل
روس کا نئے بین البراعظمی بیلسٹک میزائل کا کامیاب تجربہ
روس نے نئے بین البراعظمی بیلسٹک میزائل(Sarmat) کا کامیاب تجربہ کر لیا ہے۔
روسی فوج نے بدھ کے روز اعلان کیا کہ اس نے ایک نئے بین البراعظمی بیلسٹک میزائل کا پہلا کامیاب تجربہ کرلیا ہے۔ یہ میزائل پورے فرانس جتنے علاقے کو تباہ کرنے کی صلاحیت رکھتا ہے اور ریکارڈ اٹھارہ ہزار کلو میٹر تک ہدف کو نشانہ بنا سکتا ہے۔
روسی وزارت دفاع کا کہنا ہے کہ سرمت دنیا کا سب سے طاقتور میزائل ہے ،جس کی رینج سب سے زیادہ ہے اور یہ ہماری اسٹریٹجک نیوکلیئر فورسز کی صلاحیت میں نمایاں اضافہ کرے گا۔