انٹرنیشنل

جاپان بھی عالمی مہنگائی کی لپیٹ میں آگیا

روس اور یوکرین جنگ کے سبب ہونے والی عالمی سطح کی مہنگائی نے جاپان کو بھی اپنی لپیٹ میں لے لیا

عالمی کساد بازاری، تیل کی بڑھتی قیمتوں اور روس اور یوکرین جنگ کے سبب ہونے والی عالمی سطح کی مہنگائی نے جاپان کو بھی اپنی لپیٹ میں لے لیا۔ پیٹرول بھی ڈھائی سو پاکستانی روپے تک جا پہنچا، جبکہ سبزیاں، گوشت، انڈے، ڈبل روٹی، پھل سمیت کئی روز مرہ کی کھانے پینے کی اشیا مہنگی ہوگئیں۔

جاپانی عوام بھی مہنگائی سے بلبلا اٹھے، جاپانی حکومت نے عوام پر پڑنے والا مہنگائی کا بوجھ کم کرنے کے لیے اقدامات شروع کردیے۔ 80 ارب ڈالر سے زائد کی رقم ملک کی معیشت اور مہنگائی کا بوجھ کم کرنے کے لیے مختص کردیے جبکہ جاپانی وزیراعظم نے مہنگائی کو کم رکھنے کے لیے کابینہ کا اجلاس طلب کرلیا۔

واضح رہے اگلے چند دنوں میں جاپانی حکومت بجلی کی قیمت میں بھی اضافہ کرنے والی ہے جس کے لیے بھی نئی اسکیم متعارف کروائی جارہی ہے جس کے تحت کم بجلی استعمال کرنے والے گھرانوں کو سبسڈی دی جائیگی۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.