انٹرنیشنل

پاکستانی نژاد فوٹو گرافر ثانیہ خان قتل، قاتل نے بھی خودکشی کر لی

ثانیہ کے قاتل سابق شوہر راحیل خان کے اہلخانہ کے مطابق وہ تین دن سے گھر سے غائب تھا اور اپنی شادی ناکام ہونے کی وجہ سے ذہنی مسائل میں مبتلا تھا

امریکا کے شہر شکاگو میں پاکستانی نژاد فوٹوگرافر ثانیہ خان کو ان کے سابق شوہر راحیل احمد نے فائرنگ کر کے قتل کر دیا اور اس کے بعد پھر خودکشی بھی کر لی۔

انٹرنیشنل میڈیا کے مطابق شکاگو پولیس کو فائرنگ کی اطلاع ملی جس پر وہ فوری طور پر ثانیہ کی رہائش گاہ پہنچی تو دیکھا کہ گھر کے درواز ے پر ثانیہ کی لاش پڑی ہے اور ان کے سر پر گولی کا نشان ہے۔پولیس گھر میں داخل ہوئی تو دوسرے کمرے سے کسی شخص کی کراہنے کی آواز آرہی تھی، پولیس نے دیکھا کہ ثانیہ کا سابق شوہر زخمی حالت میں پڑا ہے جسے فوری طور پر اسپتال پہنچایا گیا جہاں وہ انتقال کرگیا۔ رپورٹ کے مطابق پولیس کو کمرے سے خودکشی سے قبل لکھا جانے والا خط بھی ملا ہے۔ دوسری جانب ثانیہ کے قاتل سابق شوہر راحیل خان کے اہلخانہ کے مطابق وہ تین دن سے گھر سے غائب تھا اور اپنی شادی ناکام ہونے کی وجہ سے ذہنی مسائل میں مبتلا تھا۔

خیال رہے کہ اپنے قتل سے قبل ثانیہ نے ٹک ٹاک پر ایک ویڈیو شیئر کی تھی جس میں انہوں نے اپنی طلاق سے متعلق آگاہ کیا تھا۔ ثانیہ نے لکھا تھا کہ ‘بطور جنوبی ایشیائی خاتون طلاق سے گزرنا ایسا محسوس ہوتا ہے کہ آپ زندگی میں ناکام ہو گئے ہیں، جس طرح سے کمیونٹی آپ کو جانتی ہے اور پھر آپ پر لوگ کیا کہیں گے جیسے جملے کا دبا بھی ہوتا ہے’۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.