ریاض (مانیٹرنگ ڈیسک) سعودی شہزادی وفا بنت بندر بن خالد بن عبدالعزیز آل سعود انتقال کر گئی ہیں، ان کی نماز جنازہ کب ادا کی جائے گی ؟ اس حوالے سے تمام تر تفصیلات سامنے آگئی ہیں۔
انٹرنیشنل میڈیا کے مطابق ایوان شاہی کی جانب سے جاری اعلامیے میں بتایا گیا کہ شہزادی وفا بنت بندر بن خالد بن عبد العزیز آل سعود انتقال کرگئی ہیں۔ ایوان شاہی کی جانب سے جاری اعلامیے کے مطابق شہزادی وفا بنت بندر کی نماز جنازہ مسجد الحرام میں مغرب کی نماز کے بعد ادا کی گئی۔ نماز جنازہ میں سعودی شاہی خاندان، اعلیٰ حکام اور شہری شریک ہوئے۔ ایوان شاہی نے متوفیہ کے لیے رحمت و مغفرت اور بلندی درجات کے علاوہ لواحقین کے لیے صبر کی دعا کی ہے۔
