آن لائن ٹیکسی ڈرائیور کی خاتون سے مبینہ زیادتی، مقدمہ درج، ملزم گرفتار

لاہور(کھوج نیوز) صوبائی دارالحکومت میں آن لائن ٹیکسی ڈرائیور کی خاتون سے مبینہ زیادتی ، پولیس نے خاتون کی مدعیت میں مقدمہ درج کر کے ملزم کو گرفتار کرلیا اور ابتدائی کارروائی شروع کر دی۔

تفصیلات کے مطابق مقامی پولیس کا کہنا تھا کہ متاثرہ خاتون کی مدعیت میں مقدمہ درج کرلیا گیا ہے۔ مقدمے میں کہا گیا ہے کہ آن لائن ٹیکسی ڈرائیور نے رائیڈ پوری ہونے پر متاثرہ خاتون اور سہیلی کو گھر پر اتارا۔ ایف آئی آر کے متن میں کہا گیا ہے کہ ڈرائیور پانی پینے کے بہانے رکا اور خواتین کے پیچھے گھر میں داخل ہوگیا۔ متاثرہ خاتون نے الزام عائد کیا ملزم نے زیادتی کی اور فرار ہوگیا۔ پولیس نے بتایاکہ خاتون نے گاڑی کے نمبر کی نشاندہی کی ہے، ملزم کی گرفتاری کی کوششیں کی جارہی ہے۔