اسموگ اورماحولیاتی آلودگی میں شدت،پنجاب کے چارڈویژنزمیں آج سےمارکیٹیں رات آٹھ بجےبند ہوں گی

لاہور(کھوج نیوز)اسموگ اور ماحولیاتی آلودگی میں شدت،پنجاب کے چارڈویژنزمیں آج سے مارکیٹیں رات آٹھ بجے بند ہوں گی۔ڈی جی ماحولیات نے نوٹیفیکشن جاری کردیا۔ڈی جی ماحولیات کی جانب سے جاری نوٹیفیکشن کے مطابق لاہورمیں آج سے مارکیٹس رات 8 بجے بند ہوں گی،فیصل آباد، گوجرانوالہ،ملتان میں بھی مارکیٹس رات 8 بجیبندہونگی، نوٹیفیکشن کے مطابق تمام شاپنگ مالز، دوکانیں، ریسٹورینٹس آج سے رات 8 بجے بند کرنے کی پابند ہیں۔
اس کی علاوہ ریسٹورینٹس کی آوٹ ڈورڈائننگ پربھی پابندی عائدکردی گئی،چاروں ڈویژنزمیں آوٹ ڈور فیسٹیولز،کنسرٹس پرپابندی ہوگی،فارمیسز،میڈیکل اسٹورز،لیبارٹریز،بیکریوں کو استثنی ہوگا،بڑے ڈیپار ٹمنٹل اسٹورز گروسری ایریا کھول سکیں گے۔محکمہ ماحولیات کا کہنا ہے کہ فیصلہ کا اطلاق 11 نومبر سے 17 نومبر تک رہےگا،یہ فیصلہ اسموگ سے متاثرہ مریضوں کی تعداد بڑھنے کے پیش نظرکیا گیا۔