بارش کے پانی میں نہاتے کرنٹ لگنے سے 2بچے جاں بحق

اسلام آباد(کھوج نیوز) اسلام آباد کے سیکٹر ایف الیون میں افسوسناک واقعہ پیش آیا، گذشتہ روز ہونے والی شدید بارش سے کھڑے پانی میں نہاتے ہوئے 2بچے کرنٹ لگنے سے جاں بحق ہو گئے۔

تفصیلات کے مطابق اسلام آباد میں بارش کے پانی میں نہاتے ہوئے کرنٹ لگنے سے 2 بچے جاں بحق ہوگئے۔ پولیس کے مطابق یہ افسوس ناک واقعہ اسلام آباد کے سیکٹر ایف الیون ٹو میں پیش آیا۔ پولیس کے مطابق امدادی ٹیموں نے بچوں کی لاشیں نکال کر اسپتال منتقل کردیں۔پولیس کا کہنا ہے کہ دونوں بچے ایف الیون ٹو میں بارش کے پانی میں نہا رہے تھے۔