ظلم و بربریت کی انتہاء ہو گئی’ کھیت میں بکریاں چرانے پر 10سالہ بچہ قتل

حیدر آباد(کھوج نیوز) حیدر آباد میں ظلم و بربریت کی انتہاء ہو گئی ، کھیت میں بکریاں چرانے پر 10سالہ بچے کو قتل کر دیا گیا جبکہ ورثاء کی جانب سے ٹنڈو محمد خان روڈ پر احتجاج کیا گیا۔

تفصیلات کے مطابق پولیس نے بتایا ہے کہ واقعہ حیدآبادکے علاقے سیری میں پیش آیا جہاں 10 سالہ بچے کو کھیت میں بکریاں چرانے پر قتل کردیا گیا۔ پولیس کا کہنا ہے کہ ملزم نے اپنی زمین پربکریاں چرانے پربچے پرفائرنگ کی جس سے بچہ ہلاک ہوگیا۔ ایس ایس پی حیدرآباد کا کہنا ہے کہ زمیندار کی گرفتاری کے لیے پولیس ٹیمیں تشکیل دے دی گئی ہیں اور ملزم کی تلاش جاری ہے۔ دوسری جانب بچے کے قتل پر ورثا کی جانب سے ٹنڈو محمد خان روڈ پر احتجاج کیا گیا اور قاتل کی گرفتاری کا مطالبہ کیا گیا۔