نگرنگرسے
غیرت کے نام پرباپ نے بیٹی کو قتل کرنے کی کوشش
ہنجروال میں باپ اور دو چچاؤں نے شمائلہ کو غیر ت کے نام پر گولیاں ماری ہیں جس کی وجہ سے شمائلہ شدید ز خمی ہوئی ہے
لاہور (کھوج نیوز )صوبائی دارالحکومت لاہور کے علاقے ہنجروال میں غیرت کے نام پر بیٹی کو قتل کرنے کی کوشش کا واقعہ پیش آیا، 20 سالہ شمائلہ شدید زخمی حالت میں طبی امداد کے لیے اسپتال منتقل کر دیا گیا ہے۔
پولیس کے مطابق شمائلہ کو اس کے والد فیاض، والد ہ مسرت بی بی اور 2چچاؤں نے منصوبہ بندی کے ساتھ گولیاں مار کر شدید زخمی کیا۔ واقعے کا مقدمہ تھانہ ہنجروال میں درج کیا گیا ہے۔ایس ایچ او کے مطابق والد،والدہ اور دونوں چچاؤں کو پولیس نے گرفتار کر لیا ہے اور ملزمان سے پستول بھی برآمد کر لیا گیا ہے۔ ملزمان نے پسند کی شادی کرنے پر شمائلہ کو قتل کرنے کی کوشش کی، جن سے مزید تفتیش کی جا رہی ہے۔اب تک معلومات کے مطابق شمائلہ کو غیر ت کے نام پر گولیاں ماری گئی ہیں۔
