آئندہ مالی سال انکم ٹیکس کتنا ہوگا؟

اسلام آباد(کھوج نیوز) آئندہ مالی سال انکم ٹیکس کتنا ہوگا؟ اس حوالے سے وزیر خزانہ محمد اورنگزیب نے آئندہ مالی سال 2024-25ء کے بجٹ میں اعلان کر کے سب کو چونکا دیا ہے۔

تفصیلات کے مطابق وزیر خزانہ محمد اورنگزیب نے آئندہ مالی سال2024-25ء کا بجٹ قومی اسمبلی میں پیش کرتے ہوئے کہا ہے کہ ایف بی آر نے انکم ٹیکس اصلاحات نافذ کیں اور اب پرسنل انکم ٹیکس اصلاحات لاگو کرنے کی ضرورت ہے تا کہ انکم ٹیکس کی شرح کو بین الاقوامی معیار کے مطابق کیا جا سکے۔ انکم ٹیکس چھوٹ 6 لاکھ روپے تک کی آمدن پر برقرار رکھنے کی تجویز ہے اور یہ بھی تجویز ہے کہ تنخواہ دار طبقے میں زیادہ سے زیادہ سلیب میں بھی اضافہ نہ کیا جائے جبکہ ٹیکس Slabs میں کچھ ردو بدل تجویز کیا جا رہا ہے۔ نان سیلریڈ افراد کے زیادہ سے زیادہ ٹیکس کی شرح 45 فیصد رکھنے کی تجویز ہے۔