اسلام آباد(مانیٹرنگ ڈیسک) الیکشن کمیشن نے ملک کی تمام بڑی سیاسی جماعتوں سے مشاورت شروع کردی ہے۔ الیکشن کمیشن نے ملک کی تمام بڑی سیاسی جماعتوں سے الیکشن روڈ میپ پر مشاورت کا آغاز کر دیاہے۔
تفصیلات کے مطابق اس سلسلے میں الیکشن کمیشن نے بڑی سیاسی جماعتوں کے سربراہان کو ملاقات کیلئے دعوت نامے بھجوا دیئے ہیں۔اس ضمن میں الیکشن کمیشن نے مسلم لیگ ن کے صدر شہباز شریف، شریک چیئرمین آصف زرداری، چیئرمین پی ٹی آئی عمران خان اور جمعیت علمائے اسلام کے سربراہ فضل الرحمان کو خطوط لکھے ہیں۔ سیاسی جماعتوں کے ساتھ ہونے والی اہم ملاقات کا شیڈول بھی طے کیاگیا ہے۔ واضح رہے کہ الیکشن کمیشن نے عمران خان کو کل دوپہر 2 بلایا ہے-
