الیکشن کمیشن کی پھرتیاں، 15روز قبل ہی نئی حلقہ بندیوں کی فہرست مکمل کر لی

اسلام آباد(نیوز رپورٹر، مانیٹرنگ ڈیسک) الیکشن کمیشن کی پھرتیاں، 15روز قبل ہی نئی حلقہ بندیوں کی ابتدائی فہرست مکمل کرلی گئی ہے جس کو کل جاری کر دیا جائے گا۔

تفصیلات کے مطابق الیکشن کمیشن کی جانب سے نئی حلقہ بندیوں کے حوالے سے جاری شدہ شیڈول کے مطابق پہلے یہ ابتدائی فہرستیں 10 اکتوبر کو جاری کی جانی تھیں تاہم یہ کام 15 روز قبل ہی مکمل کرلیا گیا۔ کمیشن کی جانب سے یہ کام 15 دن پہلے مکمل کیے جانے کے احکامات کے مطابق حلقہ بندی کمیٹیوں کی جانب سے ابتدائی فہرستوں کے حوالے سے تفصیلات منگل کو الیکشن کمیشن کے حوالے کر دی گئیں۔ الیکشن کمیشن بدھ کو ابتدائی حلقہ بندیوں کی تفصیلات جاری کرے گا جس کے بعد اس پر 26 اکتوبر تک اعتراضات وصول کیے جائیں گے جن کی سماعت 25 نومبر تک ہو گی جبکہ حتمی انتخابی فہرستوں کی اشاعت 30 نومبر کی جائے گی۔ اس کے بعد 54 دنوں میں الیکشن کمیشن نے انتخابات کے انعقاد کا اعلان کیا ہے۔ یہ انتخابات جنوری 2024 کے آخری ہفتے میں ہوں گے۔