پاکستان
انتخابات میں کامیابی،نوازشریف نےانتہائی بڑا اور حیران کُن قدم اُٹھا لیا
میاں نوازشریف کی خواہش ہے کہ پنجاب کی 141نشستوں میں سے کم از کم 120نشستیں حاصل کی جائیں
لاہور(کھوج نیوز)انتخابات میں کامیابی،نوازشریف نےانتہائی بڑا اور حیران کُن قدم اُٹھا لیا،انتخابات میں کامیابی یقینی بنانے کیلئے مسلم لیگ (ن )نے ملکی سیاست میں بڑا فیصلہ کیا ہے،ن لیگ نے الیکٹیبلز کیلئے بند دروازے کھول دئیے۔ مسلم لیگ (ن )نے الیکٹیبلز کو پارٹی میں شامل کرنے کا فیصلہ کیا ہے،سروے کے مطابق ن لیگ کو پنجاب کی قومی اسمبلی کی 141جنرل نشستوں میں سے 90کے قریب نشستیں ملنے کا امکان ہے،پارٹی ذرائع کاکہنا ہے کہ مسلم لیگ ن نے الیکٹیبلز کوپارٹی میں شامل کرنے کا فیصلہ سروے کے نتائج کی بنیاد پر کیا۔
قائد مسلم لیگ ن میاں نوازشریف کی خواہش ہے کہ پنجاب کی 141نشستوں میں سے کم از کم 120نشستیں حاصل کی جائیں،اس کیلئے نوازشریف نے رانا ثنا اللہ کو اہم ٹاسک سونپ دیا،نوازشریف نے کہاہے کہ جتنے بھی ناراض ارکان ہیں انہیں ہر صورت منایا جائے۔
