پاکستان
ایل پی جی میں کاربن ڈائی آکسائیڈ ملانے کا معاملہ، اوگرام نے نوٹس لے لیا
پنوعاقل میں کاربن ڈائی آکسائیڈ کو ایل پی جی میں ملانے کی اطلاعات موصول ہوئیں، پنوعاقل کے اسسٹنٹ کمشنر نے 4 مقامات پر چھاپے مار کر تمام مقامات کو سیل کر دیا

اسلام آباد(کھوج نیوز) ایل پی جی میں کاربن ڈائی آکسائیڈ ملانے کے معاملے پر آئل اینڈ گیس ریگولیٹری اتھارٹی (اوگرا) نے نوٹس لیتے ہوئے اجلاس طلب کرلیا ہے۔
تفصیلات کے مطابق ایل پی جی میں کاربن ڈائی آکسائیڈ ملانے کے معاملے کا نوٹس چیئرمین اوگرا مسرور خان کی زیر صدارت اجلاس میں لیا گیا۔ ترجمان اوگرا کے مطابق اس غیرقانونی اور خطرناک عمل میں ملوث افراد کے خلاف ایف آئی آر درج کی گئی ہے، اوگرا کی انفورسمنٹ ٹیم نے پنو عاقل میں ایل پی جی سائٹس کا معائنہ کیا ہے۔ اوگرا کے ترجمان کے مطابق پنوعاقل میں کاربن ڈائی آکسائیڈ کو ایل پی جی میں ملانے کی اطلاعات موصول ہوئیں، پنوعاقل کے اسسٹنٹ کمشنر نے 4 مقامات پر چھاپے مار کر تمام مقامات کو سیل کر دیا۔