بجلی کی قیمتوں میں کتنی کمی کی جائے گی؟ محمود مولوی نے عوام کو نیا لالی پاپ دیدیا

لاہور(کھوج نیوز) استحکام پاکستان پارٹی (آئی پی پی) کے رہنما محمود مولوی نے عوام کو نیا لالی پاپ دیتے ہوئے کہا کہ ہے کہ قوم کیلئے خوشخبری ہے کہ بہت جلد بجلی کی قیمتوں میں کمی کا اعلان ہونے والا ہے۔

تفصیلات کے مطابق استحکام پاکستان پارٹی (آئی پی پی ) کے رہنماء محمود مولوی نے کہا کہ حکومت بجلی کی قیمتوں میں کمی کیلئے اقدامات کررہی ہے، جلد خوشخبری ملے گی۔ محمود مولوی نے کہا کہ بجلی بلوں میں کمی سے ملک ترقی کی راہ پر گامزن ہوگا اور ساتھ ہی عوام اور تاجروں کے مسائل میں کمی آئے گی۔ استحکام پاکستان پارٹی کے رہنما محمود مولوی نے مزید کہا کہ صنعتی سیکٹر کی بقاکے لیے بھی بجلی کی قیمتوں میں کمی ناگزیر ہے۔