پاکستان

بیرون ملک جاکرمانگنےوالےبھکاریوں کےپاسپورٹ بلاک کرنےکا فیصلہ

ڈی جی امیگریشن اینڈ پاسپورٹ نے وزارت خارجہ سے بھکاریوں کی مکمل تفصیلات مانگ لی ہیں۔ دنیا بھر میں اپنے مشنز سے ان بھکاریوں کی لسٹیں حاصل کی جائیں گی

اسلام آباد(کھوج نیوز) وفاقی حکومت نے بیرون ملک جا کر بھیک مانگنے والے 2 ہزار سے زیادہ بھکاریوں کے پاسپورٹ بلاک کرنے کا فیصلہ کرلیا۔ ڈی جی امیگریشن اینڈ پاسپورٹ نے وزارت خارجہ سے بھکاریوں کی مکمل تفصیلات مانگ لی ہیں۔ دنیا بھر میں اپنے مشنز سے ان بھکاریوں کی لسٹیں حاصل کی جائیں گی۔ حکام کے مطابق بیرونی ممالک میں بھیک مانگنے میں ملوث پاکستانی شہریوں کے پاسپورٹ 7 سال کے لیے بلاک کیے جائیں گے۔

حکومت کا موقف ہے کہ باہر کے ممالک میں بھیک مانگنے کے لیے جانے والے ملک کی بدنامی کا باعث بن رہے ہیں، جس کی وجہ سے ان کے پاسپورٹ بلاک کرنے کا فیصلہ کیا گیا ہے۔ اس کے علاوہ لوگوں کو بھیک مانگنے کے لیے بیرونی ممالک بھیجنے والے ایجنٹوں کے پاسپورٹ بھی بلاک کرنے کا فیصلہ کیا گیا ہے۔

حکام کا کہنا ہے کہ زیادہ تر بھکاری سعودی عرب، ایران اور عراق میں عمرے اور زیارات کے لیے جاتے ہیں اور پھر وہاں بھیک مانگنا شروع کر دیتے ہیں۔ حکام کے مطابق باہر کے ممالک میں بھیک کی غرض سے جانے والے افراد کا ڈیٹا اکھٹا کیا گیا ہے، اور اس حوالے سے وزارت داخلہ اور وزارت خارجہ کی جانب سے ایک مربوط پالیسی بنائی جارہی ہے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button