تمہاری نافرمانی کی ایسی کی تیسی،وزیراطلاعات ونشریات عطا اللّٰہ تارڑ کا بانی پی ٹی آئی کو چونکا دینے والا جواب

لاہور(کھوج نیوز)تمہاری نافرمانی کی ایسی کی تیسی،وزیراطلاعات ونشریات عطا اللّٰہ تارڑ کا بانی پی ٹی آئی کو چونکا دینے والا جواب،رپورٹ کے مطابق وفاقی وزیراطلاعات ونشریات عطا اللّٰہ تارڑ نےکہا ہےکہ ملک میں انتشارنہیں ہوگا جہاں بھی ہوگا ہم اس کےسامنےکھڑے ہوں گے۔ لاہورمیں ایف جی اے چرچ میں کرسمس تقریب سےخطاب کرتےہوئے انہوں نےکہا کہ ہم کرسمس کی خوشیاں آپ کےساتھ مل کرمنائیں گے، آپ کی ہرخوشی ہرغم میں آپ کا یہ بھائی آپ کےساتھ کھڑا ہے۔

انہوں نے کہا کہ یہ جو نافرمانی اور تشدد کی سیاست ہے عوام نے اسے مسترد کردیا ہے، ایک جھوٹا بیانیہ بنایا جارہا ہے، لاشوں کی سیاست کی جارہی ہے۔ عطا اللّٰہ تارڑ نے کہا کہ سول نافرمانی کی کال شرمناک ہے، تمہاری نافرمانی کی ایسی کی تیسی، نافرمانی تو تمہارے خون کے اندر ہے لوگوں نے اس کو مسترد کیا ہے۔

 ن لیگی رہنما نے کہا کہ جو مرضی کرلو تمہاری دال نہیں گلنی، تمہارے لوگ دم دبا کر بھاگے ہیں، کے پی حکومت صوبے میں امن و امان لانے کے لیے سنجیدہ نظر نہیں آرہی۔ انہوں نے یہ بھی کہا کہ لطیف کھوسہ نے 278 لاشوں کی بات کی ان کے گھر سے لاشیں اکٹھی کریں۔