جج راجا جواد عباس نے آخر کار بشریٰ بی بی کو کٹہرے میں کھڑا کر ہی دیا

اسلام آباد(کورٹ رپورٹر، ماینٹرنگ ڈیسک) احتساب عدالت کے ڈیوٹی جج راجا جواد عباس نے آخر کار سابق وزیراعظم کی اہلیہ بشریٰ بی بی کو عدالتی کٹہرے میں کھڑا کر ہی دیا۔

تفصیلات کے مطابق احتساب عدالت اسلام آباد نے چیئرمین پی ٹی آئی عمران خان کی اہلیہ بشری بی بی کی توشہ خانہ، 190 ملین پاؤنڈ اسکینڈل کیس میں ضمانت منظور کر لی۔احتساب عدالت میں بشری بی بی کی توشہ خانہ، 190 ملین پاؤنڈ اسکینڈل کیس میں درخواست ضمانت پر سماعت ہوئی۔ بشری بی بی اپنے وکیل لطیف کھوسہ کے ہمراہ ڈیوٹی جج راجاجوادعباس کی عدالت میں پیش ہوئی۔ دورانِ سماعت وکیل صفائی لطیف کھوسہ نے کہا کہ کافی عرصہ ہوگیا آپ کو دیکھا نہیں۔ڈیوٹی جج راجاجوادعباس نے کہاکہ اب نارکوٹکس کی عدالت کا چارج مل گیا ہے۔وکیل لطیف کھوسہ نے عدالت کو بتایا کہ جس دن احتساب عدالت نے درخواست ضمانت نمٹائی، اسی دن نیب نے نیا نوٹس بھیج دیا۔ ڈیوٹی جج راجاجوادعباس نے استفسار کیا کہ بشری بی بی کہاں ہیں؟ ڈیوٹی جج راجاجوادعباس نے بشری بی بی کو روسٹرم پر بلا لیا ۔ بشری بی بی روسٹرم پر آگئیں ۔ ڈیوٹی جج راجاجواد عباس نے 31 اکتوبر تک بشری بی بی نے درخواست ضمانتیں منظور کرلی۔ ڈیوٹی جج راجاجوادعباس نے بشری بی بی کی پانچ پانچ لاکھ روپے مچلکوں کے عوض ضمانتیں منظور کرلی۔