جنرل (ر) فیض حمید کا ٹرائل اوپن کورٹ میں چلانےکا معاملہ ،بانی پی ٹی آئی کون ہوتےہیں؟،سیکیورٹی کا بھی تگڑا جواب آگیا

راولپنڈی(کھوج نیوز) سیکیورٹی ذرائع نے بانی پی ٹی آئی کے لیفٹیننٹ جنرل ریٹائرڈ فیض حمید سے متعلق اڈیالہ میں ریمارکس پر ردِ عمل کا اظہارکیا ہے۔ سیکیورٹی ذرائع کا کہنا ہےکہ بانیٔ پی ٹی آئی بتانے والےکون ہوتےہیں کہ فیض حمید کا ٹرائل اوپن کورٹ میں ہوگا یانہیں۔

سیکیورٹی ذرائع نے کہا ہے کہ اگر بانیٔ پی ٹی آئی کا اس معاملے میں ٹرائل ہوا تو تسلی رکھیں اوپن ہی ہو گا، ساری دنیا کو پتہ چلے گا کہ بانیٔ چیئرمین کیا کرتے اور کرواتے رہے ہیں۔ واضح رہے کہ پاکستان تحریک انصاف (پی ٹی آئی) کے بانی عمران خان نے جنرل ریٹائرڈ فیض کے اوپن ٹرائل کا مطالبہ کیا ہے۔

اڈیالہ جیل میں صحافیوں سے غیر رسمی گفتگو کرتے ہوئے بانیٔ پی ٹی آئی نے کہا تھا کہ میں مطالبہ کرتا ہوں جنرل فیض حمید کا اوپن ٹرائل کیا جائے۔ انہوں نے کہا تھا کہ اوپن ٹرائل میں میڈیا کو کوریج کی رسائی دی جائے، اوپن ٹرائل سے ملک کا فائدہ ہوگا اور پاکستان ترقی کرے گا۔